Күрэхтэһии соһуччу түмүктэрдээх буолла

Бу күннэргэ, ахсынньы 17-19 күннэригэр Намҥа гиирэ федерациятын Кубога буолан бүттэ. Быйылгы күрэхтэһии соһутуута элбэх буолан таҕыста. Ол курдук, өр кэмнээх лидер – Үөһээ Бүлүү хамаандата үс бириистээх миэстэ иһигэр киирбэтэ. Уонна биир сенсация,  Хаҥалас хамаандата 4-с миэстэҕэ тахсан, улахан кыайыыта буолла.

Мэҥэ Хаҥалас хамаандата эмиэ  мөлтөх көрдөрүүлээх, күрэхтэһиини түмүктээтэ.

Бастакы миэстэни очколара тэҥнэһэн, хаачыстыбанан кыайыыны ылла Чурапчы, иккис  Нам, үһүс миэстэ Дьокуускай куорат. Манна даҕатан эттэххэ, Дьокуускай үһүс миэстэҕэ  тахсыбыта эмиэ соһуччу диэн бэлиэтэнэр.

Санатан эттэххэ, күрэхтэһиигэ барыта 17 хамаанда кытынна. Кинилэр эр дьоҥҥо – биэс, дьахталларга, бэтэрээн дьахталларга уонна эр дьоҥҥо – иккилии ыйааһыҥҥа күрэхтэстилэр.

Гиирэ спордун федерацията Нам улууһун Спорка управлениетыгар, күрэхтэһиини үчүгэйдик бэлэмнээн-тэрийэн ыыппытынан улахан махталын  биллэрэр. Чуолаан  начальник Иванов Павел Гаврильевичка уонна Уодай Владимир Георгиевичка, Нам  улууһун гиирэ спордун федерациятын салайааччытыгар, кинилэр быһаччы көмөлөрүнэн  күрэхтэһии үрдүк таһымнаахтык барда.

Василий ДЬЯЧКОВСКАЙ, гиирэ спордугар Саха Республикатын хамаандатын сүрүн тренерэ, күрэхтэһии кылаабынай судьуйата.

 

One thought on “Күрэхтэһии соһуччу түмүктэрдээх буолла

  • 20 декабря, 2021 в 9:00 дп
    Permalink

    Уус-Алданнар то5о хааллылар? Лидердарын ахалбаиылар ду?

    Ответ

Добавить комментарий

Ваш адрес email не будет опубликован.