Хасавюрт түһүлгэтиттэн икки мэтээл

Хасавюрт куоракка Дагестан XIX-XX үйэлэргэ албан аатырбыт тустууктарын аатынан көҥүл тустууга норуоттар икки ардыларынааҕы турнир ыытыллан түмүктэннэ. Бырагыраама быһыытынан турнир үһүс күнүгэр хаалбыт биэс ыйааһыҥҥа финаллар ыытылыннылар.

Бу күн биһигиттэн бастаан «санааны көтөҕөр» диэн ааттанар, үһүс миэстэни ким былдьаһарын быһаарсар бөлөххө киирсиигэ Петр Константинов (61 кг) киргиз Улугбек Жолдозбековка 0:6 ахсаанынан хотторон кэбистэ.

Оттон иккис киһибит, норуоттар икки ардыларынааҕы кылаастаах спорт маастара Виктор Рассадин финалга Курбан Шираевтыын (70 кг) тустуутугар «кириэс» диэн албаска киирэн биэрэн, очконан ыраастык хоттордо. Онон иккис миэстэни ылла.

Онон бу түһүлгэҕэ Саха сирэ икки мэтээллэннэ: Виктор Рассадин үрүҥ көмүс уонна Алексей Копылов боруонса.

Бүтэһик күн финалларын түмүгэ:

61 кг: 1. Ахмед Идрисов, 2. Рамиз Гамзатов, 3. Башир Магомедов, 3. Рахман Минтулаев (бары — Дагестан).

70 кг: 1. Курбан Шираев (Дагестан), 2. Виктор Рассадин (Саха сирэ), 3. Анзор Закуев (КБР), 3. Алан Кудзоев (РСО-Алания).

79 кг: 1. Ацамаз Санакоев (РСО-Алания), 2. Арсалан Будажапов (Кыргызстан), 3. Кахабер Хубежты (РСО-Алания), 3. Ахмед Усманов (Дагестан).

92 кг: 1. Алан Багаев (РСО-Алания), 2. Азамат Закуев (КБР), 3. Асхаб Саадулаев (Дагестан), 3. Сослан Кцоев (РСО-Алания).

125 кг: 1. Зелимхан Хизриев (Санкт-Петербург), 2. Казбек Хубулов (РСО-Алания), 3. Тамерлан Кумышев (КБР), 3. Денис Хроменков (Беларусь).

«Дьулурҕан».

Добавить комментарий

Ваш адрес email не будет опубликован.