Дуобатчыттарбыт кыайыы көтөллөннүлэр

Муус устар 23 – ыам ыйын 5 куннэригэр Зеленоград куоракка кулгаахтарынан инбэлиит спортсменнарга, 64 уонна 100 харахтаах дуобаттарга Россия үрдүнэн бастыыр иһин чемпионат ыытыллан түмүктэннэ. Бу күрэхтэһиигэ биһиги биир дойдулаахтарбыт үгэс быһыытынан ситиһиилээхтик кытыннылар.

Ол курдук, нуучча дуобатыгар түргэн оонньуу түһүмэҕэр Джулиана Андреева үһүс, норуоттар икки ардыларынааҕы дуобат түргэн оонньуутугар Саша Ефимов бастакы, Сайыына Юнчанова иккис миэстэлэри ыллылар. Хамаанда салайааччыта, тренер Петр Ушницкай бэйэтэ 64 харахтаах дуобакка кыайда. Бу көрүҥҥэ өссө С.Юнчанова бастакы, С.Ефимов иккис буоллулар. Оттон 100 харахтаах дуобакка сүрүн көрүҥҥэ С.Ефимов уонна Д.Андреева тэҥнээхтэрин булбатылар. Итини тэҥэ хамаанданан түмүккэ Россия кубогар биһиги республикабыт дуобатчыттара кыайыы көтөллөннүлэр.

Онон Саха сирин хамаандата түмүккэ 5 кыһыл көмүс, 2 үрүҥ көмүс уонна 1 боруонса мэтээли ылары ситистэ.

Петр Петровиһы уонна спортсменнары бу ситиһиилэринэн эҕэрдэлиибит!

«Дьулурҕан».

2 thoughts on “Дуобатчыттарбыт кыайыы көтөллөннүлэр

  • 7 мая, 2022 в 4:21 дп
    Permalink

    Поздравляю спортсменов по спорту глухих. Особое поздравление тренеру Петр Петровичу Ушницкому, человеку отдавшему свою любовь детям. С самого открытия Центра адаптивной физкультуры и спорта, он начал работать как общественный тренер, в дальнейшем сам стал первым Гроссмейстером по шашкам среди спортсменов по спорту глухих из республики Саха (Якутия). Здоровья, счастья и благополучия всем !

    Ответ

Добавить комментарий

Ваш адрес email не будет опубликован.