Дьокуускай куоракка олорор күндү биир дойдулаахтарбыт!

Ахсынньы 22 күнүгэр киэһэ 19:00 чаастан Юрий Гагарин аатынан култуура уонна аныгы искусство киинигэр, 2022 сылга Уус Алдан улууһугар ыытыллар Саха сирин норуоттарын VIII Спортивнай оонньууларын көрсө «ТҮМСҮҮ ТҮҺҮЛГЭТЭ» төрүттэнэр үтүө мааны дьоро киэһэтигэр, улуус нэһилиэктэриттэн төрүттээх талба талааннаахтар күүстэринэн тэриллэр АКЦИЯ КЭНСИЭРГЭ ыҥырабыт.

Бу күн Саха сирин норуоттарын VIII Спортивнай оонньууларын ТАЛИСМАНЫН уруйдуу-айхаллыы көрсүөхпүт.

Кэнсиэртэн, акцияттан киирбит үп-харчы анал фондаҕа киирэн хас биирдиибит тус кылааппыт буолуоҕа.

Тэрээһин кэмигэр улуустааҕы кииннэммит библиотека уонна музей коллективтарын күүстэринэн «Уус Алдан спорка албан аата» диэн киэҥ ис хоһоонноох быыстапка көрдөрүллүө.

Ирэ-хоро кэпсэтэ, кэскиллээҕи тобулса биир дойдулаахтар көрсүөҕүҥ. Киирии билиэт — 800 солк. Билиэттэри нэһилиэк түмсүүтүн салайааччыларыттан ыйытабыт. Билиҥҥи кэм ирдэбилинэн миэстэ хааччахтаах, ыларга тиэтэйиҥ.

Уус Алдан улууһун дьаһалтата, Дьокуускай куоракка олорор биир дойдулаахтар түмсүүлэрэ.

Добавить комментарий

Ваш адрес email не будет опубликован.