Cүүмэрдиир киирсиилэргэ ханнык хамаандалар киирдилэр?

Эһиил Катарга ыытыллыахтах футболга аан дойду чемпионатыгар кыттыан сөптөөх хамаандалар сүүмэрдиир киирсиилэригэр ханнык хамаандалар кытталлара быһаарылынна.

Ол курдук, Европа континеныгар бастакы түһүмэххэ – Россия, Хотугу Македония, Португалия, Швеция, Италия, Уэльс, Чехия, Шотландия, Польша, Австрия, Турция, Украина хамаандалара киирсиэхтэрэ. Бу хамаандалар икки бөлөххө араарыллыахтара.

Онуоха россияннар – Австрия, Польша, Хотугу Македония, Турция, Чехия хамаандаларыгар түбэһиэхтэрин сөп.

Бастакы түһүмэх сэрэбиэйэ сэтинньи 26 күнүгэр ыытыллыаҕа, оттон финал аҥарынааҕы уонна финал оонньуулара 2022 сыл кулун тутар ыйыгар буолуохтара.

Санатан эттэххэ, Катарга аан дойду чемпионата 2022 сылга сэтинньи 21 – ахсынньы 18 күннэригэр буолара быһаарыллыбыта. Билиҥҥи туругунан чемпионат финальнай чааһыгар Бельгия, Бразилия, Германия, Испания, Сербия, Франция, Хорватия, Швейцария, Англия, Дания, Нидерланды хамаандалара кыттар быраабы ыллылар. Оттон Катар хамаандата чемпионакка быһа киллэриллэр.

«Дьулурҕан».

Добавить комментарий

Ваш адрес email не будет опубликован. Обязательные поля помечены *