Бастыҥ тренеринэн Илья Иванов ааттанна

Хабаровскай куорат баһылыгын бирииһигэр 2005-2007 сс. төрөөбүттэргэ боксаҕа «Б» кылаастаах регионнар икки ардыларынааҕы күрэхтэһии ыытылынна. Рингэҕэ сүрүннээн Дальнай Восток регионуттан барыта 10 хамаандаттан 94 спортсмен тахсан, ким ордук бэлэмнээҕин, күүстээҕин быһаарыстылар.

Манна Саха сирин эдэр боксёрдара ситиһиилээхтик кытыннылар.

Күрэхтэһии бастыҥ тренеринэн, Уус Алдан спортивнай оскуолатын тренерэ Илья Петрович Иванов ааттанна. Кини иитиллээччилэриттэн бу күрэхтэһиигэ Павел Васильев (48 кг) уонна Андрей Портнягин (66 кг) бастаатылар, Семен Петров (54 кг) иккистээтэ.

Саха сирин хамаандатыттан өссө Герман Львов, Леон Никифоров бэйэлэрин ыйааһыннарыгар тэҥнээхтэрин булбакка, пьедестал үрдүкү үктэлигэр таҕыстылар. Сергей Столяров иккис, оттон Леон Иннокентьев, Спартак Григорьев, Костя Устинов уонна Андрей Егоров үһүс миэстэлэри ыллылар.

Кыайыылаахтары уонна кинилэр тренердэрин эҕэрдэлиибит!

«Дьулурҕан».

Добавить комментарий

Ваш адрес email не будет опубликован.