“Аны тымныы оройугар сүүрүөхпүт”

Бэҕэһээ күнүс «Зима начинается с Якутии» диэн сылын аайы ыытыллар республика сүрүн харыйатын умайыытыгар… «Тымныы оройо Верхоянскай» сүүрүүбүн Дьокуускайга землячества салайааччытынаан Неустроев Валентин Владимировичтыын ыыттыбыт.

Сүүрүүгэ төһө да үлэ күнүн нэдиэлэ ортото турдар, уон биир улуустан төрүттээх  куоракка сүрүн үлэлэргэ үлэлиир (Сунтаар, Үөһээ Бүлүү, Бүлүү, Горнай, Дьокуускай, Хаҥалас, Нам, Уус Алдан, Мэҥэ Хаҥалас, Чурапчы, Таатта, Дьааҥы) дьон кыттыыны ыллылар.

Александра Митина, Марияанна Васильева, Анна Егорова, Наталья Неустроева, Виктория Баишева, Яна Егорова, Ирина Оготоева, Анна Яковлева, Лира Давыдова, Анна Колесова, Марина Терентьева, Яков Винокуров, Владимир Сташков, Юрий Филиппов, Аркадий Аммосов, Иван Яковлев, Гаврил Филиппов, салайааччы Дмитрий Горохов.

Төһө да хааччах, карантин биллэрдэллэр, биһиги, сүүрүүктэр «Полюс холода Верхоянск” футболка суруктаах куорат улууссаларынан: Лермонтов, Петр Алексеев, Ленин болуоссатынан, Чернышевскай уулуссатынан, Марат болуоссатынан сүүрдүбүт. Харыйа умайыытыгар фейервек ытыыга сүүрэн киирэн хаартыска түстүбүт, дьоммутун көрүстүбүт.

Сүүрүүну арыаллаабыт дьааҥылар маннык эттилэр:

Улита Слепцова: “Хааччахтааһын, бобуу-хаайыы үрдүнэн, биир сыаллаах-соруктаах, дьарыктаах дьоннору киһи үчүгэйдик саныыр. Саамай дьоллоох дьоннор диэн этиэххэ сөп”.

Иван Ноговицын: “Маҥнайгы Дьааҥы түмсүү суолталаах тэрээһинэ чаҕылхайдык барбытынан сүүрүүктэргэ махталбын тиэрдэбин”.

Светлана Слепцова: “Элбэх улуустан кыахтаах спорсменнар Дьааҥыны өйөөбүттэрэ эйэлээх буолуу эйгэтин үөскэтэллэр, үөрэбин, махтанабын”.

Маннык элбэх кыттыылаах тэрээһин 2019 сылга Верхоянскайга метео-служба тэриллибитэ 150 сылыгар Чириков Гаврил Ильич, Эрчим Максимов тэрээһиннэринэн ыытыллыбыта. Маннык сүүрүү хаһан саҕаламмытын эттэххэ, 2000 сылга үйэ туолуутугар факеллаах сүүрүү тэрийэн, сүрүн харыйаҕа сүүрэн киирбиппит.

Ол сүүрүүгэ кыттыбыт үлэ, спорт ветерана, спорт маастара Олег Попов: “Биһиги 2000 сылга Дмитрий тэрийиитинэн аҕыс буолан главнай елкаҕа 20 км сүүрэн кэлбиппит уонна онтон ыла бу Полюс сүүрүүгэ кытта сылдьабын, бу сырыыга эрэ кыттыбатым. Дмитрийга улаханнык махтанабын», —  диэн санаатын эттэ.

Сүүрүүну аһыллыытыгар кыттыбыт Геннадий Степановичка, землячества салайааччытыгар Валентин Неустроевка, СР физическай культураҕа уонна массабай спорт салайааччытыгар Мохов Арнольд Албертовичка, биир дойдулаахтарбар, сүүрүүктэрбэр махталбын биллэрэбин! Аны саамай тымныыны кэтэһэн биирдэ сүүрүөхпүт. Былырыын рекорд этэ, — 53 тымныыга сүүрүү.

Сүүрүү салайааччыта Дмитрий ГОРОХОВ.

 

Добавить комментарий

Ваш адрес email не будет опубликован.