“Дьулурҕан” ютуб каналыгар суруттараргытыгар ыҥырабын!

Спорду таптааччылар, көҥүл тустууну сэҥээрээччилэр! “Дьулурҕан” спортивнай хаһыат ютуб каналын (https://www.youtube.com/channel/UCdQWiPUliiKpPOVV3JKN..) киирэн көрөргүтүгэр, суруттараргытыгар ыҥырабыт.

Күн бэҕэһээ, 1997 сыллаахха Суоттуга буолбут тустууга, спорт маастардара Михаил Каженкин, Михаил Протопопов тустууларын таһаардым. Каженкин кыбытыыта, Протопопов олуйуута бэйэтэ маастар-кылаастар. Мантан тренердэр уонна эдэр тустууктар элбэҕи туһаныахтарын сөп дии саныыбын.

Маны тэҥэ соторутааҕыта буолбут Дальнай Восток көҥүл тустууга чемпионатын, мас-рестлиҥҥэ “Көмүс мас” турнирын түгэннэрин, 1996 сыллааҕы Н.Н. Тарскай финалларын, Иван Ярыгин турнирыгар биир дойдулаахтарбыт тустууларын, биллиилээх бөҕөстөр Арыйаан Тютрин, Тимур Пестерев, Семен Семенов, Виктор Рассадин, Виктор Лебедев, Леонид Спиридонов, Владислав Андреев, Николай Аянитов, Франк Чамизо, Сослан Рамонов уо.д.а. хатыламмат тустууларын көрүөххүтүн сөп.

Ютуб-каналга Герман Контоев, Петр Малардыров, Василий Гоголев, Александр Карелин, Денис Царгуш маастар-кылаастарын көрөн үөрэниэххитин сөп.

Бу каналга мин бэйэм араас сылларга видеоҕа уһулбут үлэлэрбин таһаарабын. Видеокассеталарым билигин да элбэхтэр. Сыыйа-баайа талан, сүүмэрдээн, наһаа уһун бириэмэни ылбат инниттэн, дьоҕус гына оҥорон таһаарарга дьулуһабын. Манан, хайдах эмэ, уруккуттан быыллыйан сыппыт видеокассеталарбын дьоҥҥо-сэргэҕэ таһааран, аныгы технологиянан үйэтитэбин. Бу барыта – история!

Газета Дьулурҕан – YouTube (https://www.youtube.com/channel/UCdQWiPUliiKpPOVV3JKN..) көрөргүтүгэр, сыаналыыргытыгар, суруттараргытыгар уонна тус санааҕытын үллэстэргитигэр ыҥырабын. Өссө да урукку уонна билиҥҥи интэриэһинэй видеолар, интервьюлар, маастар-кылаастар таһаарыллан иһиэхтэрэ.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *

девять + 2 =