Муҥутуур күүстээхтэринэн кимнээх буолуохтарай?

Олунньу 5-6 күннэригэр Чурапчыга, Россия физическэй култуураҕа туйгуна Николай Николаевич Решетников кэриэһигэр гиирэ спордугар республикатааҕы аһаҕас турнир буолар. Турнирга эр дьон, дьахталлар, оскуола саастаах уолаттар уонна кыргыттар, аҕа саастаах дьон туспа бөлөхтөрүнэн күрэхтэһиэхтэрэ. Кинилэр барыта 14 ыйааһыҥҥа илин-кэлин түсүһүөхтэрэ. Билиҥҥи ааҕан көрүүнэн, кыттыан баҕалаах дьон ахсаана элбиэх курдук.

Бу, гиирэ спордугар күрэхтэһии буолбатаҕа ырааппытын көрдөрөр, ол иһин кыттааччы быйыл элбэх буолуон сөп. Саамай улахан интэриэһи эр дьоҥҥо уонна дьахталларга ким  муҥутуур кыайыылаах аатын ылара тардыа диэн сэрэйиллэр. Ону таһынан ыйааһыннарыгар кимнээх бастыыллара эмиэ сүрдээх улахан таабырын. Тоҕо диэтэххэ, республика иһигэр гиирэ спордуга күрэхтэһии буолбатаҕа сыл буолан эрэр. Ким ханнык таһымҥа сылдьара биллибэт. Барыта спортсменнар бэйэлэрин опыттарыгар уонна тустаах бэлэмнэниилэригэр эрэ эрэниллэр.

Эр дьоҥҥо муҥутуур күүстээхтэргэ сабаҕалааһын быһыытынан быйыл күһүн дойдутугар ытык иэһин төлөөн кэлбит норуоттар икки ардыларынааҕы кылаастаах спорт маастара Михаил Саввиновы, Россия спордун маастардара Руслан Лугиновы, Владимир Оленовы, күүстээх маастарга кандидаттар Константин Иванову, Сандал Оконешниковы ааттыахха сөп.

Оттон дьахталларга: Иванова Лена, Брызгалова Майя, Мифтахова Мария уо.д.а. биллэр спортсменнар күөн көрсүөхтэрэ.

Дьэ, онон интэриэһинэй күрэхтэһии буолаары турар. Күрэхтэһии Чурапчыга, А.И. Федотов аатынан спортивнай комплекска ыытыллыа. Күрэхтэһии хаамыытын инстаграмҥа girevoysport14 страницаҕа билсиэххитин сөп.

Турнир бырагыраамата

Олунньу 6 күнэ, субуота

10:00 Толчок: юноши – 53, 65, +65 кг, ветераны – 75, +75 кг.

11:30 Рывок: девушки – 60, +60, женщины – 65, +65 кг.

12:30 Рывок: юноши – 53, 65, +65 кг, ветераны – 75, +75 кг.

14:00 Толчок/рывок: мужчины – 63, 68, 73 кг.

16:30 Толчок/рывок: мужчины – 85, +85 кг.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

четырнадцать − 9 =