Нарафоминскай-2020: Суруналыыстар эмиэ сүүмэрдэнэн киириэхтэрэ

Дойдуга эпидемиологическай балаһыанньаны олохтуур инниттэн, көҥүл тустууга Россия чемпионатын кыттыылаахтарын ахсаанын аччатан ыыталлар. Ону тэҥэ чемпионат кэмигэр Сонуну киэҥник сырдатар средстволар (СМИ) үлэһиттэрин хааччахтыыр бэрээдэк олохтонно.

Ол курдук, 2017-2020 сс. түмүктэринэн Аан дойду, Европа чемпионаттарын, Европа оонньуутун уонна Аан дойду Кубогын кыайыылаахтара баар регионнар үстүү суруналыыһы киллэриэхтэрин сөп.

Оттон ити ааттаммыт күрэхтэһиилэргэ призердаабыт дьонноох регионнар – иккилии суруналыыһы аккредитациялатыахтарын сөп.

Ылан көрдөххө, биһиги республикабытыттан былырыын Аан дойду Кубогар Арыйаан Тютрин уонна Виктор Рассадин хамаанданан кыайбыттара. Ол аата, Саха сирэ ыытыллаары турар Россия чемпионатыгар үс суруналыыһы киллэрэр кыахтаах эбит. Региоҥҥа тустууну сайыннарыы аҥаардас тренердэртэн, тустууктартан эрэ тутулуга суох, суруналыыстар эмиэ кырата суох оруоллаахтар.

Аккредитацияҕа сайаапканы media@wrestrus.ru электроннай почтаҕа регионнааҕы спортивнай тустуу федерациятын фирменнэй бланкатыгар, президент илии баттааһыннаах уонна бэчээттээх ыытаҕыт диэн биллэрбиттэр.

Аны туран, ковидка аналиһа (ыспыраапка буолбатах) үчүгэй эрэ суруналыыс чемпионакка киллэриллэр. Чемпионат ыытыллар сиригэр маасканы кэтии булгуччулаах, ону тутуспат буоллаххына аккредитацияҕын төттөрү ылаллар.

Ити туһунан Россия спортивнай тустууга федерациятын сайтыгар суруйбуттар. Саха сириттэн бу чемпионакка биир эмэ суруналыыс барара дуу, суоҕа дуу?

“Дьулурҕан”.

 

Нарафоминскай-2020: Суруналыыстар эмиэ сүүмэрдэнэн киириэхтэрэ: 2 комментария

  1. Панаат

    Петр Павлов, Бэстиин уонна биир Посельскай бардыннар

Добавить комментарий

Ваш e-mail не будет опубликован. Обязательные поля помечены *