Нарофоминскай-2020: Буряттар састааптарын ааттаатылар

Россия уонна Бурятия спортивнай тустууга федерациялара сүбэлэһэн, Нарофоминскайга буолаары турар көҥүл тустууга Россия чемпионатыгар кыттар састаабы быһаардылар. Билэргит курдук, саҥа ирдэбилгэ олоҕуран, чемпионат кыттыылаахтарын ахсаана сарбыллыбыта. Ыйааһын ахсын 16-лыы эрэ бөҕөс кыттыахтаах.

Билигин, бу күннэргэ Бурятия хамаандата бэйэтин тустууга спонсора – Забайкальскайдааҕы хайаны байытар тэрилтэ көмөтүнэн Москва уобалаһын Одинцовскай оройуонун Покровское сэлиэнньэтигэр үөрэтэр-эрчийэр түмсүүгэ сылдьар.

Россия чемпионатыгар кыттыахтара:

57 кг – Андрей Гатаулин.

61 кг – Жаргал Дамдинов, Тамир Гармаев, Булат Баясхолонов, Алдар Балжинимаев.

65 кг – Александр Богомоев, Даши Шарастепанов, Баясхалан Очиров, Бэлигто Хайдапов.

70 кг – Очир Доржиев, Алексей Боровицкай, Булат Батоев.

74 кг – Евгений Жербаев, Буян Цыренов.

86 кг – Алексей Сабидаев, Тимур Баторов.

92 кг – Алексей Анищик

97 кг – Цэдаши Дугаров.

125 кг – Балдан Цыжипов, Батор Доржиев.

Биллэрин курдук, Россия көҥүл тустууга быйылгы чемпионата бастаан Улан-Удэҕэ, муус устар ыйга ыытыллыахтаах этэ. Онтубут коронавирус дьаҥыттан сибээстээн Москваҕа, салгыы Владикавказка көһөрүллэн баран, Нарафоминскайга ыытыллар буолла. Манан тугу этээри гынабын?

Төһө да уһатыллан, көһөрүллэн испитин үрдүнэн, буряттар хаһааҥҥытааҕар даҕаны үчүгэйдик бэлэмнэннилэр. Республика салалтата, спорка министиэристибэтэ уонна кылаабынайа кыахтаах тэрилтэлэр тустууга улахан болҕомто уурбуттарын кэннэ, туох да кистэлэ суох, Бурятия тустуута биллэрдик сэргэхсийдэ. Көрдөрүүлэрэ да тубуста. Харчы көрүллэн, Россия спортивнай тустууга федерацията тэрийэр эрчийэр-үөрэнэр түмсүүлэрин көтүппэтэрин тэҥэ, киин сиргэ үчүгэй спортивнай база булунан, бэйэлэрэ хаһан баҕарар бэлэмнэнэр кыахтаннылар.

Онно холоотоххо, биһиэхэ, тустуубут дьаалытынан устар. Тустаах тэрилтэ эрэ бэйэтин кыаҕынан үлэлии сатыыр. Чэ, ол туһунан кэнники…

Петр ПАВЛОВ.  

Нарофоминскай-2020: Буряттар састааптарын ааттаатылар: 1 комментарий

  1. Иван

    Буряттар маладьыастар, хас ыйааьын аайы дьонноохтор, уопсайынан тустууга ылыстылар 👍👍👍

Добавить комментарий

Ваш e-mail не будет опубликован. Обязательные поля помечены *