Алексей Большаков – Блиц оонньууга Россия күрэхтэһиитигэр кыайда!  

Билигин Москва уобалаһын Одинцовскай оройуонугар дуобакка улахан дьоҥҥо Россия чемпионата уонна эдэрдэргэ дойду үрдүнэн бастыыр иһин күрэхтэһии үгэннээн ыытылла турар. Бу улахан түһүлгэҕэ спорт маастарыгар кандидат Алексей Большаков ситиһиилээхтик кытта сылдьар.

Ол туһунан кини тренерэ Иван Павлов биһиэхэ маннык иһитиннэрэр:

Алеша улахан дьоҥҥо молниеноснай быстрай программаҕа үчүгэйдик оонньоото,  9 уонна 18 миэстэ буолла. Ордук, быстрай программаҕа оонньоото, 9 тууртан биэһигэр наар гроссмейстердары кытта кииристэ. Манна аан дойду 10 төгүллээх чемпионун Алексей Чижовы кыайбыта ордук сыаналаах.

Онтон бэйэтин сааһыгар, 2004-2006 сс. бөлөхтөрүгэр (кини 2006 сыллаах бэйэтэ, ол аата, бөлөххө саамай кыралара) сүүс харахтаах дуобат молниеноснай оонньууга түһүмэҕэр бастаата!

Бүгүн улахан дьоҥҥо классический программа саҕаланна, манна Алеша кылаабынай сыала – маастар нуорматын толоруу буолар.

Билиҥҥи туругунан биһиги дуобатчыттарбыт икки кыһыл көмүс (Алексей Большаков, Елена Кычкина) биир үрүҥ көмүс (Сандаара Апросимова) уонна биэс боруонса (Тунаара Федорова, Сандаара Апросимова, Николай Григорьев, Айаал Герасимов, Ксения Нахова) мэтээллээхтэр. Чемпионат уонна күрэхтэһии алтынньы 2 күнүгэр диэри салҕанар.

Саха Республикатын дуобакка федерациятын президенэ Владимир Ильич Птицын: “Билиҥҥитэ көрдөрүү куһаҕана суох. Син биир, дьон классиканы сэҥээрэр. Ол түмүгэ балачча сыаналаах буолуоҕа. Түргэн уонна чаҕылҕанныы оонньууларга биһиэннэрэ үгэс быһыытынан күүстээхтэр. Оттон классикаҕа үчүгэйдик оонньуулларын долгуйа кэтэһэбит”, – диэн бэйэтин санаатын үллэһиннэ.

Күрэхтэһии хаамыытын Россия дуобакка федерациятын сайтыгар https://shashki.ru/, эбэтэр Единый шашечный сайт http://64-100.com/ киирэн көрүөххүтүн сөп.

“Дьулурҕан”.

Алексей Большаков – Блиц оонньууга Россия күрэхтэһиитигэр кыайда!  : 1 комментарий

  1. София

    В нынешнее беспокойное время, Данная статеечка для меня, как глоточек чистого воздуха. Благодарствую. Пожелаю Вам всего наилучшего.

Добавить комментарий

Ваш e-mail не будет опубликован. Обязательные поля помечены *