Кими талаҕыт, Мэйзи Кинг дуу, Мейн Кениг дуу?

Дьэ, сарсын, балаҕан ыйын 19 күнүгэр кэтэһиилээх сүүрдүүбүт буолар. Дьокуускайдааҕы ипподром күрэхтэһиини тэрийэргэ бэлэм. Сүүрэр суол оҥоһулунна, былаахтар, плакаттар ыйаннылар, салама тардылынна, телевидение массыыната кэлэн турда, үлэлииргэ бэлэм…

Бу сүүрдүү Кыайыы 75 сылыгар ананар. Бырагыраама быһыытынан барыта сэттэ сүүрдүү ыытыллар. Ат сүүрдүүтүн сэҥээрээччилэр сүрүн болҕомтолорун алтыс сүүрдүү тардар. Манна Конкистадор, Мэйзи Кинг, Мэйн Кениг, Борисоглебск, Джафар курдук күүстээх, уруккуттан биллэр быһый атахтаахтар 2000 миэтэрэҕэ илин-кэлин түсүһүөхтэрэ.

От ыйын 4 күнүгэр буолан ааспыт сайыҥҥы сүүрдүү иннинэ спорт бу көрүҥүн сэҥээрээччилэр 2400 миэтэрэҕэ сүрүннээн Ил Дархан бирииһин икки төгүллээх кыайыылааҕа Мэйнг Кениг бастыыр диэн билгэлээбиттэрэ. Ол эрээри, Мэйн биэтэккэ үһүс кэлбитэ (2.39.2). Кинини билэргит курдук, Брокерс Барс (2.38.3) уонна Мэйзи Кинг (2.38.7) баһыйбыттара.

Бу сырыыга Мэйзи Кинг уонна Мейн Кениг эмиэ биир сүүрдүүгэ угуллубуттар. Бу сүүрдүүгэ дьэ, хайалара буолар? Эбэтэр олох даҕаны атын ат быстыыр дуу? Көрүөхпүт.

Спорка туох баҕарар буолуон сөп. Урут кыайбыта, онон билигин да кыайар диэн буолбатах. Этэргэ дылы, бүгүн – эн, сарсын – кини. Спорт сокуона итинник. Ким чопчу бу күҥҥэ, бу чааска үчүгэй бэлэмнээх, туйгун туруктаах – ол кыайыаҕа.

Санатан эттэххэ, сарсын, балаҕан ыйын 19 күнүгэр сүүрдүү күнүс 12:00 чаастан саҕаланар. Сүүрдүүнү “Саха” көрдөрөр-иһитиннэрэр хампаанньа ипподромтан телевизорынан быһа көрдөрүөҕэ.     

Петр ПАВЛОВ.

 

Кими талаҕыт, Мэйзи Кинг дуу, Мейн Кениг дуу?: 2 комментария

  1. Руслан

    Мне лично показал Ваш интернет-сайт папа одноклассницы моей дочери. Считаю уместным выразить благодарность за очень полезную информацию. Решил с сегодняшнего дня оформить подписку на новости Вашего веб узла.

Добавить комментарий

Ваш e-mail не будет опубликован. Обязательные поля помечены *