Эдэр охчуттарбыт ситиһиилэрэ

Орел куоракка оҕунан ытыыга Россия эдэрдэргэ дьиэ иһинээҕи күрэхтэһиитэ ыытыллан түмүктэннэ. Күрэхтэһиигэ 20-гэр диэри саастаах охчуттар кытыннылар. Кинилэр классическай уонна блочнай оҕунан ытыыга илин-кэлин түһүстүлэр.

Хамаанданан блочнай оҕунан ытыыга Саха сирин охчуттара: Юля Маркова (ОЭУ, Хаҥалас), Юлиана Колесова (Өктөм, 11-с кылааһын үөрэнээччитэ) уонна Дайаана Винокурова (ОЭУ) үһүс бириистээх миэстэни ыланнар, боруонса мэтээллэринэн наҕараадаланнылар. Кинилэр үһүс миэстэ иһин сүрдээх тыҥааһыннаахтык барбыт киирсиигэ Забайкальскай кыраай хамаандатын кытта тэҥнэһэн баран, эбии ытыыларга кыайыылааҕынан таҕыстылар.

Ити курдук, 200-2006 сс. төрөөбүт уолаттар классическай оҕунан ытыыларыгар Бэргэн Алексеев (Покровскай 8-с кылааһын үөрэнээччитэ), Ян Константинов (Дьокуускай, ДЮСШ-4) уонна Петя Дьячковскай (Горнай) састааптаах Саха сирин хамаандата эмиэ пьедестал үһүс үктэлигэр тахсары ситистилэр.

Эдэр спортсменнарбытын бу ситиһиилэринэн эҕэрдэлиибит уонна иннкитин даҕаны биир дойдулаахтарын кыайыыларынан-хотууларынан үөрдэ туралларыгар, спортивнай маастарыстыбаларын үрдэтэллэригэр баҕарабыт!

“Дьулурҕан”.

Добавить комментарий

Ваш e-mail не будет опубликован. Обязательные поля помечены *