Миндиашвили турнира: Көрдөрүү сэмэй

Красноярскайга, Д.Г. Миндиашвили аатынан Тустуу академиятын бирииһигэр Бүтүн Россиятааҕы аһаҕас турнир түмүктэннэ. Бу түһүлгэҕэ биһиги республикабытыттан сүрүннээн эдэр бөҕөстөр бэйэлэрин суоттарыгар тиийэн кытыннылар.

Ол курдук, быйыл күһүҥҥүттэн Красноярскайга тиийэн дьарыктанар биир дойдулаахпыт Максим Толмачев (97 кг) кыахтаахтык бастаата. Финалга кини опыттаах маастар Эрик Джиоевы ыраастык кыайда. Финалга тахсыбыт иккис киһибит Ньургун Сергин (92 кг) утарсааччытыгар 2:4 ахсаанынан хотторон кэбистэ. Оттон Дьулус Федотов, Айтал Захаров, Константин Власов үһүс бириистээх миэстэ иһин тустан хотторон кэбистилэр.

Арай, Федор Постников, Айхан Антонов, Владислав Кривошапкин, Иван Ефремов бэйэлэрин таһымнарыгар тиийбэттик туһуннулар дии саныыбын.

Россия спортивнай тустууга федерациятын быһаарыытынан, бу турнирга бастаабыттар сотору буолуохтаах Иван Ярыгин аатынан Гран-при турнирга кыттар быраабы ылаллар. Онон, билигин Красноярскай кыраай уонна Саха сирин ааттарыттан кыттар Максим Толмачев – Ярыгин түһүлгэтигэр кыттар буолла.

Турнир түмүгүн ылан көрдөххө, олохтоору тэҥэ тувиннар үчүгэй көрдөрүүлэннилэр. Кинилэр – 2 чемпионнаахтар, 3 иккистээхтэр уонна 1 үһүстээхтэр. Онно холоотоххо биһиэннэрин көрдөрүүлэрэ сэмэй.

Турнир түмүк көрдөрүүтэ:

57 кг (37 кыттааччы): 1. Кежик Седен, 2. Начын Монгуш (иккиэн – Тыва), 3. Дамдин Цыренжапов (Бурятия) 3. Магомедрасул Магомедов (СПб-Дагестан), 5. Дьулус Федотов (Саха сирэ).

61 кг (34): 1. Омак Сюрюн (Тыва), 2. Федор Балтуев (Иркутскай), 3. Нуртилек Эрмекбаев (Красноярскай) 3. Кежик Монгуш (Тыва), 5. Айтал Захаров (Саха сирэ).

65 кг (32): 1. Юлиан Гергенов (Иркутскай), 2. Роберт Манасян (Красноярскай), 3. Адиль Оспанов (Казахстан), 3. Кежик Чымба (Красноярскай-Тыва).

70 кг (25): 1. Семен Терещенко (Красноярскай-Хакасия), 2. Арбак Сат (Тыва-Красноярскай), 3. Кирилл Корнеев (Кемерово), 3. Очир Доржиев (Бурятия).

74 кг (26): 1. Никита Сучков (Красноярскай), 2. Эртине Мортуй-оол (Тыва), 3. Надирбег Хизриев (Красноярскай) 3. Аюб Абрегов (Красноярскай-КБР), 5. Константин Власов (Саха).

79 кг (15): 1. Дмитрий Зайнидинов (Красноярскай), 2. Дмитрий Орлов (Иркутскай), 3. Азрет Улимбашев (Красноярскай-КБР), 3. Исламбек Ильясов (Казахстан).

86 кг (15): 1. Хабиб Гаджиев (СПб-Дагестан), 2. Константин Пшеничников (Кемерово), 3. Александр Кондратов, 3. Астемир Хурзоков (иккиэн – Красноярскай).

92 кг (7): 1. Юрий Иванов (Иркутскай), 2. Ньургун Сергин (Саха сирэ), 3. Дмитрий Екименко (Кемерово), 4. Бекзат Уркимбай (Казахстан).

97 кг (7): 1. Максим Толмачев (Красноярскай-Саха сирэ), 2. Эрик Джиоев, 3. Семен Коломийцев (иккиэн – Красноярскай), 4. Самбуу Лопсан (Красноярскай-Тыва).

125 кг (9): 1. Игорь Овсянников (Красноярскай), 2. Остап Пасенок (Кемерово), 3. Хамзат Хизриев (СПб), 3. Дмитрий Попов (Казахстан).

“Дьулурҕан”.

 

Добавить комментарий

Ваш e-mail не будет опубликован. Обязательные поля помечены *