Дугуйдан хаартыскалаах халандаар таҕыста

Республикатааҕы «Забота-Арчы» хаһыат бу сылга бүтэһик, Саҥа дьыллааҕы нүөмэрэ бэчээттэнэн таҕыста. Суруналыыстар хаһан баҕарар буоларыныы, бырааһынньыктааҕы нүөмэри ааҕыллыамтыа гына кичэйэн оҥордулар.

Хаһыат саҥа нүөмэрин кэрэ бэлиэ түгэнинэн Дугуйдан Винокуров хаартыскалаах өҥнөөх халандаара буолла. Былырыын хаһыаппыт спорт  үтүөлээх маастара Алена Дмитриева хаартыскалаах халандаардаах тахсыбыта.

Дугуйдан Винокуров – Сахабыт сирин аатырдан, биллэрэн-иһитиннэрэн, Өймөкөөнтөн дойду тэбэр сүрэҕэр Москваҕа атынан айаннаан тиийбитэ улахан хорсун быһыытынан сыаналанар.

Манна даҕатан эттэххэ, саҥа нүөмэргэ Дугуйдан ийэтин туһунан суруналыыс Екатерина Бястинова истиҥ суруйуута балаһанан бэчээттэннэ.

Халандаардаах хаһыаты ыларга тиэтэйиҥ. «Забота-Арчыны» куорат хаһыаты атыылыыр киоскаларыттан ыйыталаһыҥ.

«Дьулурҕан».