Боксаҕа хамаанда сүүмэрдэннэ

Тохсунньу 22-27 күннэригэр Хаҥалас улууһун киинигэр Покровскайга, ССРС боксаҕа чөмпүйүөнэ уонна призера, 1990 сыллаахха ыытыллыбыт Үтүө Дьулуур оонньуулар үрүҥ көмүс призердара, 1992 с. Барселонатааҕы XXIV Олимпийскай оонньуулар кыттыылаахтара, норуоттар икки ардыларынааҕы кылаастаах спорт маастара Анатолий Филиппов бирииһигэр 15-16 саастаах уолаттарга Саха Өрөспүүбүлүкэтигэр бастыыр иһин уонна VIII норуоттар икки ардыларынааҕы «Азия оҕолоро» спортивнай оонньууларга сүүмэрдиир күрэхтэһии ыытыллан түмүктэннэ.

Бу улахан күрэхтэһиигэ Сахабыт сирин элбэх улуустарыттан 18 хамаандаттан 153  эдэр боксер рингэҕэ таҕыста. Өрөспүүбүлүкэҕэ бастыыр иһин боксаҕа күрэхтэһиини А.И. Пахомов аатынан Олимпийскай эрэллэр спортивнай оскуола дириэктэрэ Максим Куприянов кыраҕытык кэтээн көрдө.

– Күрэхтэһиибит Покровскай куорат Спорка дыбарыаһыгар ыытылынна. Бүгүн кыайыылаахтар билиннилэр. Финалга уолаттар сытыы, үчүгэй киирсиилэри көрдөрдүлэр. 46 кг ыйааһыннаах боксердарга Федоров Андрей Дьокуускай к. 5 №-дээх Оҕо спортивнай оскуолатын иитиллээччитэ бастыҥ буоларын бигэргэттэ. 48 кг биһиги Олимпийскай эрэллэр спортивнай оскуолабыт оҕото Борисов Дамир бастаата. 50 кг – Мэҥэ Хаҥаластан  Ренат Эшдавлатов кыайыылаах буолла. 52 кг ыйааһыннаах боксердар киирсиилэрин үчүгэйдик, сыныйан көрдүм. Бу ыйааһыҥҥа бэйэтин олус үчүгэй техникалааҕын уонна тактикалааҕын көрдөрөн кыайыылаах үрдүк аатын Уус Алдантан Айсен Неустроев ылла. 54 кг – эмиэ 1-гы  миэстэни Уус Алдантан Аян Борисов үчүгэй киирсиилэри көрдөрөн  пьедестал үрдүкү үктэлигэр таҕыста. Онтон бу 57 кг Хаҥалас эрэлэ Арий Иванов эмиэ сүрдээх үчүгэйдик боксаласта, утарылаһааччыта Мичил Егоров Уһук Илиҥҥи эрэгийиэҥҥэ бастаабыт оҕону кыайда. 60 кг – Үөһээ Бүлүүттэн Андрей Тоноев күүскэ охсуталаан бэркэ кииристэ, кыайыылаах үрдүк аатын ылла. Мирнэйтэн улахан ыйааһыннаах уолаттарга олус бэлэмнээх боксердар кэлбиттэр. 63 кг – Нуржигит Аралиев, 66 кг – Матвей Бердников, 70 кг – Данил Сафонов, 80 кг үөһэ Михаил Пирожков эрэллээхтик бастаатылар. 75 кг – Дьокуускай куораттан Игорь Петухов уонна 80 кг – “Панчер” спортивнай кулууп иитиллээччитэ Дмитрий Миллер ыйааһыннарыгар кыайыылаах буоллулар. Кыайыылаах уонна миэстэлэспит эдэр боксердар «Азия оҕолоро» спортивнай оонньууларга хамаанда сүрүн састаабыгар киирдилэр, – диэн Максим Куприянов ыйааһыннарынан кыайыылаахтары билиһиннэрэригэр эттэ.

Манна көрдөхпүнэ Хаҥалас, Ньурба, Сунтаар, Дьокуускай к. Мииринэй, Нерюнгри, Ньурба, Уус Алдан, Мэҥэ Хаҥалас, Хаҥалас, Өлүөхүмэ уонна Үөһээ Бүлүү эдэр боксердара сытыытык кииристилэр, үчүгэй боксаны көрдөрдүлэр. Эдэр боксердар туох да кэтэбилэ-манабыла суох киирсэн бараллар. Сытыы, сылбырҕа хамсаныылаах, күүстээх охсуулаах кэскиллээх уолаттар эрэли саҕаллар.       Күрэхтэһии түмүгүнэн Хаҥалас эрэлигэр  Арий Ивановка “Бастыҥ боксер”, Дьокуускай куораттан сылдьар Айхал Никифоровка “Кыайыыга дьулуурун иһин” уонна күрэхтэһии “Бастыҥ судьуйата” анал номинацияны Игнат Сивцевкэ туттардылар.

Сүүмэрдэммит хамаанда састааба талылынна. Олунньу ыйга Алдан куоратыгар бастакы үөрэтэр-эрчийэр түмсүүлэр буолуохтара. Кулун тутар ыйга Уһук Илиҥҥи эрэгийиэҥҥэ бастыыр иһин күрэхтэһии Чита куоракка буолар, онно кыттыахтара. Ол кэнниттэн бастыҥнар Россияҕа бастыыр иһин күрэхтэһиигэ барыахтара.

Ыйааһыннарынан миэстэлэстилэр:

46 кг 1 миэстэ Федоров Андрей (Дьокуускай 5 №-дээх Оҕо спортивнай оскуолата), 2  миэстэ Дьячковскай Артур (Уус Алдан), 3 миэстэ Горохов Александр (Дьокуускай 1-кы №-дээх Оҕо спортивнай оскуолата), 3 миэстэ Саввинов Николай (Ньурба).

48 кг 1 миэстэ Борисов Дамир (Дьокуускай, Олимпийскай эрэллэр спортивнай оскуола), 2  миэстэ Павлов Евгений (Мэҥэ Хаҥалас), 3 миэстэ Захаров Виктор (Дьокуускай, Марха), 3 миэстэ Федоров Лев (Ньурба).

50 кг 1 миэстэ Эшдавлатов Ренат (Мэҥэ Хаҥалас), 2  миэстэ Севергин Артур (Дьокуускай, “Панчер” спортивнай кулууп), 3 миэстэ Плотников Виктор (Ньурба), 3 миэстэ Петров Иван (Сунтаар).

52 кг 1 миэстэ Неустроев Айсен (Уус Алдан), 2  миэстэ Бродников Виктор (Мэҥэ Хаҥалас), 3 миэстэ Кононов Орланд (Бүлүү), 3 миэстэ Николаев Тимофей (Үөһээ Бүлүү).

54 кг 1 миэстэ Борисов Аян (Уус Алдан), 2  миэстэ Никифоров Айхал (Дьокуускай, Олимпийскай эрэллэр спортивнай оскуолалара), 3 миэстэ Корнилов Виталий (Өлүөхүмэ), 3 миэстэ Слепцов Эрчимэн (Дьокуускай, 1-кы №-дээх Оҕо спортивнай оскуолата).

57 кг 1 миэстэ Иванов Арий (Хаҥалас), 2 миэстэ Егоров Мичил (Дьокуускай, Олимпийскай эрэллэр спортивнай оскуолалара), 3 миэстэ Черданцев Павел (Нерюнгри), 3 миэстэ Никифоров Мирослав (Ньурба).

60 кг 1 миэстэ Тоноев Андрей (Үөһээ Бүлүү), 2  миэстэ Барашков Роман (Дьокуускай, Олимпийскай эрэллэр спортивнай оскуолалара), 3 миэстэ Васильев Аркадий (Сунтаар), 3 миэстэ Буртахов Баир (Хаҥалас).

63 кг 1 миэстэ Аралиев Нуржигит (Мирнэй), 2  миэстэ Дьяконов Мирлан (Кэбээйи), 3 миэстэ Скрябин Виталий (Хаҥалас), 3 миэстэ Труфанов Сергей (Мирнэй).

66 кг 1 миэстэ Бердников Матвей (Мирнэй), 2 миэстэ Охлопков Александр (Дьокуускай, “Панчер” спортивнай кулууп), 3 миэстэ Желлаев Артем (Өлүөхүмэ), 3 миэстэ Гуляев Май (Горнай).

70 кг 1 миэстэ Сафонов Данил (Мирнэй), 2 миэстэ Максимов Роман (Өлүөхүмэ).

75 кг 1 миэстэ Петухов Игорь (Дьокуускай, Олимпийскай эрэллэр спортивнай оскуолалара), 2 миэстэ Никитин Егор (Мэҥэ Хаҥалас), 3 миэстэ Абидов Мухаммаддиер  (Нерюнгри), 3 миэстэ Слепцов Тимур (Дьокуускай, Хатас).

80 кг 1 миэстэ Миллер Дмитрий (Дьокуускай, “Панчер” спортивнай кулууп), 2 миэстэ Масаутов Сергей (Мирнэй), 3 миэстэ Татаринов Ярослав (Дьокуускай, Хатас), 3 миэстэ Пирумшоев Юсуф (Хаҥалас).

80-тан үөһэ кг 1 миэстэ Пирожков Михаил (Мирнэй), 2 миэстэ Наумов Алексей (Дьокуускай, 1-кы №-дээх Оҕо спортивнай оскуолата), 3 миэстэ Винокуров Леонид (Дьокуускай, Олимпийскай эрэллэр спортивнай оскуолалара), 3 миэстэ Кузьмин Егор (Өлүөхүмэ).

Уйбаан УЙГУУРАП, ааптар хаартыскаҕа түһэриилэрэ.