Видео: Семен Владимиров – Туменбилег Тувшинтулга

ССРС, РСФСР, Саха АССР үтүөлээх тренерэ Дмитрий Петрович Коркин кэриэһигэр көҥүл тустууга норуоттар икки ардыларынааҕы XII турнир. 57 киилэ, квалификация: Семен Владимиров (Саха сирэ) – Тувшинтулга Тумэнбилег (Монголия) тустуулара. Петр Павлов видеоҕа уһулуута.

Дьокуускай, “Триумф” Спорка бэлэмнэнии киинэ. Алтынньы 12 күнэ, 2019 сыл.

Видео: Семен Владимиров – Туменбилег Тувшинтулга: 1 комментарий

  1. Петр Павлов Автор записи

    Турнир инниттэн Семен Владимировка улаханнык эрэммитим, Японияҕа эрчиллэн хайаан, билигин үчүгэй тустар таһымыгар сылдьар дии санаабытым. Өссө дьоҥҥо, кинини үчүгэйдик кэтээн көрөллөрүгэр сүбэлээбитим. Табылыннаҕына, бастыан да сөп дии санаабытым. Саҕалааһына үчүгэй этэ. Аан дойду чемпионатын былырыыҥҥы призерун Тувшинтулганы үчүгэйдик даҕаны кыайбыта. Манна👆 көрөргүт курдук, хапсыһыы саҕаланыыта утарсааччытын ахтатын аннынан охсоот, тиэрэ көтөн 4 баалы биирдэ олордон ылбыта, көрөргө үчүгэй этэ. Иккис хапсыһыытыгар Яков Павловы эрэллээхтик, 5:1 ахсаанынан хотон иһэн, киирсии бүтүүтэ сэрэҕин сүтэрэн, 4 баалга бырахтаран, соһуччу хотторон кэбиспитэ. Онон салгыы эргииргэ Бурятияттан Богомоевы кытта “саха Богомоевын” киирсиилэрин кэтэспиппит, туолбатаҕа. Ити курдук, Семен, сылыктааһыммын толорбокко хаалла. Бу хотторууттан кини кытаанах уруок оҥостуохтаах уонна инникитин ситиһиилээхтик тустарыгар эрэнэбин.

Добавить комментарий

Ваш e-mail не будет опубликован. Обязательные поля помечены *