Коркин турнира: Көбүөр хаһаайыттара ханнык састаабынан кытталларый?

Өйүүҥҥэттэн, алтынньы 11 күнүттэн, дьэ, өр күүппүт күрэхтэһиибит – улуу тренер Дмитрий Петрович Коркин кэриэһигэр көҥүл тустууга норуоттар икки ардыларынааҕы XII турнирбыт саҕаланар. Тустууну таптааччылар бары, бу улахан түһүлгэҕэ көбүөр хаһаайыттара – Саха сирин бөҕөстөрө ханнык састаабынан кытталларын билэ охсуохтарын баҕараллара өйдөнөр. Түһүлгэҕэ биһигиттэн барыта 66 бөҕөс тахсыаҕа.

Кинилэр ортолоругар улахан түһүлгэ уораанын ааспыт, бэйэлэрэ ааттаах-суоллаах, буспут-хаппыт көбүөр уопуттаах маастардара бааллар. Ону тэҥэ, бэйэбит дьиэбитигэр тэриллэр күрэхтэһиигэ эдэрдэрбит эмиэ күүстэрин холонон көрүөхтэрэ. Онон хамаанда иннигэр араас сыаллар-соруктар тураллар. Холобур, Арыйаан Тютрин, Эдуард Григорьев, Виктор Рассадин бэйэлэрин ыйааһыннарыгар үрдүкү миэстэ иһин киирсэр соруктаахтар.

Оттон эдэр уолаттар – биллиилээх, уопуттаах тустууктар илиилэрин-атахтарын күүһүн билэн, норуоттар икки ардыларынааҕы турнир тыынынан тыынан, улахан түһүлгэҕэ аан бастаан сүрэхтэниэхтэрэ. Онон эрдэттэн эттэххэ, кинилэр бу күрэхтэһиигэ кыттыыларын сөптөөхтүк сыаналыыргытыгар, наһаа күүстээх ирдэбили туруорбаккытыгар баҕарабын. Састаапка киирбит хас биирдии бөҕөс иннигэр тус-туспа сыаллар-соруктар тураллар. Ол гынан баран, хас биирдии бөҕөс көбүөргэ тахсан баран, туох баар кыаҕынан, үөрүйэҕинэн, бүтэһик сөкүүндэҕэ диэри кыайыыга дьулуһан тустуохтаах. Этэргэ дылы, туох баар санаатын ууран, күүһүн тэбээн, көлөһүнүн тоҕон көбүөртэн таҕыстаҕына – кинини ким даҕаны сэмэлээбэт.

Дьэ, онон уолаттарбытыгар, бэйэҕит ыалдьааччыларгыт тоҕуоруһа мустан көрөн олордохторуна, үчүгэй тустууну көрдөрөргүтүгэр, ситиһиилээх, кыайыылаах-хотуулаах буоларгытыгар баҕаран туран, “Охтоохтон охтумаҥ! Саалаахтан самнымаҥ!” диэн өбүгэлэрбит эппит алгыс тылларын аныыбыт.

Хаһан баҕарар, маннык улахан күрэхтэһии иннинэ сылыктааһын баар буолуохтаах. Ол сиэринэн сэмээр быктардахха – 57, 61, 65, 70 кг ыйааһыннарга бэйэбит бөҕөстөрбүт мэтээлгэ тиксэллэригэр тус бэйэм эрэнэбин.

Д.П. Коркин кэриэһигэр норуоттар икки ардыларынааҕы XII турнирга кыттар Саха сирин хамаандатын састааба:    

57 кг – Михаил Васильев, Уйгулан Иванов, Петр Копылов, Алексей Копылов, Петр Константинов, Дьулус Федотов, Дьулус Седалищев, Зафарбек Одинаев, Айаал Белолюбскай, Александр Авелов, Егор Вензель, Александр Иванов, Родион Ефремов, Дмитрий Илларионов, Георгий Окороков, Харысхал Григорьев, Федор Постников, Егор Потапов, Арыйаан Тютрин, Быйаман Яковлев, Александр Семенов.

61 кг – Виталий Эспек, Петр Павлов, Яков Павлов, Дмитрий Аксенов, Айхан Антонов, Айсен Винокуров, Семен Владимиров, Айтал Захаров, Владислав Кривошапкин, Георгий Кычкин, Дьулусхан Тотонов, Эдуард Григорьев, Антон Хурасев, Василий Яколев, Илья Бочкарев, Юрий Сивцев, Константин Капрынов, Сергей Максимов.

65 кг – Айсен Потапов, Николай Иванов, Егор Герасимов, Дьулустан Булатов, Петр Кириллин, Ньургустан Иванов, Вальтер Владимиров, Петр Гоголев, Алексей Данилов, Никита Макаров, Виктор Рассадин, Егор Захаров.

70 кг – Юрий Протодьяконов, Иван Ефремов, Револий Самсонов, Иван Барашков, Тимур Николаев, Ньургустан Брощев.

74 кг – Владимир Данилов, Герман Устинов, Никита Софронов.

79 кг – Айсен Копырин, Алексей Ефимов, Василий Спиридонов.

92 кг – Ньургун Сергин.

125 кг – Никита Хабаров, Эдуард Максимов.

Петр ПАВЛОВ.

Добавить комментарий

Ваш e-mail не будет опубликован. Обязательные поля помечены *