Бөҕөстөрбүт – Краснодар көбүөрүгэр

Ахсынньы 9-10 күннэригэр Краснодар куоракка көҥүл уонна гректии-римнии тустууларга Бүтүн Россиятааҕы студеннар национальнай лигаларын 2-с рейтиннээх турнирдара ыытыллар. Бу түһүлгэ – эһиилги студеннар күрэхтэһиилэригэр бастыҥнары сүүмэрдиир сыаллаах-соруктаах.

Биһигиттэн, М.К. Аммосов аатынан Хотугулуу Илиҥҥи федеральнай университет хамаандатын аатыттан көҥүл тустуу күрэхтэһиитигэр сэттэ бөҕөспүт: Юрий Анисимов (57 кг), Манчаары Ильинов (61 кг), Петр Парников (65 кг), Албан Аввакумов (70 кг), Станислав Свинобоев (74 кг), Николай Сивцев (74 кг), Максим Толмачев (97 кг) кыттыаҕа.

Санатан эттэххэ, 1-кы рейтиннээх күрэхтэһиигэ биһигиттэн Валерий Андросов 57 киилэҕэ бастаабыта.

Тустууктарбытыгар ситиһиилээх кыттыыны баҕарабыт уонна Краснодартан үчүгэй сонуну кэтэһэбит.

«Дьулурҕан».