“Кыдаала оонньуулара” саҕаланар

Саха сиригэр Төлөй нэһилиэгин төрүттээбит кинээс титуллаах Федот Борисов (сүрэхтэниэн иннинээҕи аата Кыдаала) аатынан “Кыдаала оонньуулара” бүгүн о.э. атырдьах ыйын 15 күнүгэр, СӨ бастакы Ил Дархана, чурапчылар тумус туттар киһибит Егор Афанасьевич  Борисов 65 сааһын туолар үбүлүөйүгэр анаан  14 чаастан “Боотур Уус” стадиоҥҥа саҕаланыа.

“Бүгүҥҥү күҥҥэ “Кыдаала оонньууларыгар” уопсайа 17 Чурапчы чулуу ыччаттара кыттыахтара. Бүгүн уонна сарсыҥҥы күҥҥэ көрүҥнэринэн араараммыт, биһиги ытыктабыллаах киһибит Егор Афанасьевич 65 сааһыгар анаан күрэхтэһиннэриэхпит. “Боотур Уус” стадиоҥҥа бастакынан тутум эргиир ыытыллыаҕа, ол кэннэ 400 миэтэрэҕэ сүүрүү. Сарсын бастакы көрүҥ хапсаҕай онтон ыйааһыннаах сыарҕа соһуута. Ол кэннэ бэрэбинэни сүгэн ыраахха илдьии буолар. Күрэхтэһиини сыллата ыытыллар “Тоҕус томтор оонньууларын” судьуйалыыр бэйэбит физкултуура учууталларбыт, тириэньэрдэрбит бөлөхтөөх уопсайа 12 киһи кыттыаҕа”, – диэн оонньуу кылаабынай судьуйата, успуорт маастара, “Дыгын оонньууларыгар” тааһы көтөҕүүгэ өрөспүүбүлүкэ рекордсмена Яков Оконешников билиһиннэрдэ.

Икки күн устата ыытыллар “Кыдаала оонньуулара-2019” кыттыыны ылыахтара: Чурапчы нэһилиэгиттэн атах оонньууларыгар СӨ успуордун маастара, 2017 сыллаахха “Манчаары оонньууларын” чөмпүйүөнэ, атах оонньуутугар эдэрдэргэ өрөспүүбүлүкэ рекордсмена  Борис Строев, Мугудай нэһилиэгиттэн Чурапчытааҕы государственнай физическэй култуура уонна успуорт үнстүүтүн устудьуона, мадьыны Платон Васильев, Болугур нэһилиэгиттэн элбэҕи эрэннэрэр мас тардыһыытыгар 1 разрядтаах Дмитрий Ноев, Сылаҥ нэһилиэгиттэн көҥүл тустууга успуорт маастарыгар хандьыдаат, 2017 сыллаахха “Тоҕус томтор оонньууларын” призера Семен Аммосов, Хатылы нэһилиэгиттэн 2007 сыллаахха эр дьоҥҥо гиирэни анньыыга 3-с миэстэлээх, 2019 сылга “Боотурдар оонньууларын” кыайыылааҕа Иван Яковлев, Одьулуун нэһилиэгиттэн мас тардыһыытыгар успуорт маастарыгар хандьыдаат, 2014 сыллаахха өрөспүүбүлүкэ призера, Саратов куоракка ыытылллыбыт Тыа сирин оонньууларын чөмпүйүөнэ Айсен Модуков, Арыылаах нэһилиэгиттэн мас тардыһыытыгар успуорт маастарыгар хандьыдаат, 2005 сыллаахха “Тоҕус томтор оонньууларыгар” 2-с миэстэлээх, 2006 сыллаахха Арассыыйа чөмпүйэнээтин уонна 2007 сыллаахха өрөспүүбүлүкэ призера Михаил Петров, Хадаар нэһилиэгиттэн мас тардыһыытыгар успуорт маастарыгар хандьыдаат, 2018 сыллаахха “Новые имена” күрэхтэһии чөмпүйүөнэ, 2019 сыллаахха “Золотая палка” турнир призера Станислав Андросов, Хоптоҕо нэһилиэгиттэн Дьокуускай куоракка Ис дьыала уорганын үлэһитэ, хапсаҕайдьыт Петр Луковцев, Төлөй нэһилиэгиттэн гиирэҕэ уонна боксаҕа успуорт маастарыгар хандьыдаат, 2019 сыллаахха Петр Алексеев кэриэһигэр ыытыллыбыт хапсаҕай призера, Саха сирин норуотттарын оонньууларыгар боксаҕа призер Афанасий Сивцев, Арыылаах нэһилиэгиттэн мас тардыһыытыгар СӨ успуордун маастара, 2015 сыллаахха мас тардыһыыга өрөспүүбүлүкэ чөмпүйүөнэ, 2017 сыллаахха “Манчаары оонньууларын” призера Андрей Пугачев, Соловьев нэһилиэгиттэн эдэрдэргэ 2013 сыллаахха “Манчаары оонньууларын” чөмпүйүөнэ Данил Николаев, Чурапчы нэһилиэгиттэн бойубуой самбоҕа уонна ММА көрүҥэр өрөспүүбүлүкэ чөмпүйүөнэ Григорий Барашков, Бахсы нэһилиэгиттэн мас тардыһыытыгар Арассыыйа уонна СӨ успуордун маастара, 2017 сыллаахха “Манчаары оонньууларын”, Арассыыйа, Саха сирин чөмпүйүөнэ Ньургун Пестряков, Сылаҥ нэһилиэгиттэн өрөспүүбүлүкэ призера, “Дыгын оонньууларын”, “Тоҕус томтор оонньууларын” кыттыылааҕа Павел Друзьянов, Одьулуун нэһилиэгиттэн атах оонньууларыгар СӨ успуордун маастара, 2011 сыллаахха Ньурбаҕа ыытыллыбыт ыччат ыһыаҕын, 2013 сыллаахха “Манчаары оонньууларын”, 2014 сыллаахха “Дыгын оонньууларын” чөмпүйүөнэ Петр Старостин, Алаҕар нэһилиэгиттэн 2019 сыллаахха “Дыгын оонньууларын” кыттыылааҕа Алексей Протодьяконов.

Чурапчы эдэр, кэскиллээх уолаттарыгар ситиһиилэри баҕарыаҕыҥ, бүгүҥҥү күн соһуччу түгэннэрдээх буоллун!

 

Семен ЖЕНДРИНСКЭЙ.

Ааптар хаартыскаҕа түһэриитэ.

 

Добавить комментарий

Ваш e-mail не будет опубликован. Обязательные поля помечены *