Бөҕөстөрбүт Японияҕа

Билэргит курдук, Саха сирин бөҕөстөрө бу күннэргэ Япония киин куоратыгар Токиоҕа тиийэн, бу дойду тустууктарын кытта бииргэ үөрэтэр-эрчийэр түмсүүгэ кытта сылдьаллар.

Өрөспүүбүлүкэ сүүмэрдэммит хамаандаларын спорка бэлэмниир киинин дириэктэрэ, норуоттар икки ардыларынааҕы кылаастаах спорт маастара Леонид Николаевич Спиридонов салалтатынан тренердэр Александр Оконешников уонна Герман Контоев уонна бөҕөстөр: Петр Константинов, Михаил Васильев, Револий Самсонов, Петр Павлов, Дьулустаан Булатов, Айсен Потапов, Тимур Николаев, Семен Владимиров – Тахсар күннээх дойдуга икки нэдиэлэ дьарыктаныахтара.

Бу хаартыскаларга эһиги көрөҕүт, Япония олимпийскай базатыгар биһиги бөҕөстөрбүт эрчиллэ сылдьар түгэннэрин. Хаартыскалары, мин биир идэлээҕим, Япония спортивнай тустууга анал сайтын салайааччыта Икуо Хигучи ыытта. Манна көстөрүнэн, биһиги бөҕөстөрбүт Япония ааттаахтара Юки Такахашины, Такуто Отогуроны, Сосуке Такатанины кытта бииргэ эрчиллэ сылдьаллар. Оттон Саха сирэ уонна Япония тустууга хамаандаларын бу үһүс сылын бииргэ эрчиллиилэрин, хамаанда кылаабынай тренерэ, олимпийскай призер Кенджи Инуе салайан ыытар.

Тустууктарбытыгар ситиһиилээх дьарыгы баҕарыаҕыҥ!

Петр ПАВЛОВ.

 

 

Добавить комментарий

Ваш e-mail не будет опубликован. Обязательные поля помечены *