Дуобакка аан дойду чемпионата: Лидер уларыйбат

Сүүс харахтаах дуобакка дьахталларга аан дойду чемпионатыгар бүгүн тохсус туур оонньонно. Онуоха аҕыс оонньууттан – алтата тэҥнэһиинэн түмүктэннэ.

Ксения Нахова китаянка Ханьцин Чжаоны кытта тэҥнэстэ. Наталья Шестакова төрдүс туурун инники күөҥҥэ сылдьар Дарья Федоровиһы (Беларусь) кытта оонньуута эмиэ эйэ дэмнээхтик түмүктэннэ.

Оттон Матрена Ноговицына – Аннелайн Якобс (Аруба), партия бириэмэтин толору туһанан оонньоотулар. Кэмниэ-кэнэҕэс биһиги кыыспыт кыайыыны ситиһэн, киниэхэ ыалдьааччылар “Һуу” дии түстүбүт.

Тохсус туур түмүгэ:

Ксения Нахова (Россия) – Ханьцин Чжао (Кытай) 1:1

Айгуль Идрисова (Россия) – Наталья Садовска (Польша) 1:1

Тамара Тансыккужина (Россия) – Ольга Федорович (Беларусь) 1:1

Наталья Шестакова (Россия) – Дарья Федорович (Беларусь) 1:1

Хейке Верхул (Нидерланды) – Полина Петрусева (Беларусь) 1:1

Виктория Мотричко (Украина) – Эрса Негбре (Кот-д, Ивуар) 2:0

Матрена Ноговицына (Россия) – Аннелайн Якобс (Аруба) 2:0

Ю Жанг (Кытай) – Хуслен Энхболд (Монголия) 1:1.

Онон, тохсус туур түмүгүнэн балаһыанньа маннык: Дарья Федорович (Беларусь) – 13, Ольга Федорович (Беларусь), Наталья Садовска (Польша), Ю Жанг (Кытай) – 12-лии, Тамара Тансыккужина (Россия), Айгуль Идрисова (Россия), Ханьцин Чжао (Кытай) – 11-дии, Ксения Нахова (Россия), Матрена Ноговицына (Россия) – 10-нуу, Наталья Шестакова (Россия), Полина Петрусева (Беларусь) – 9-туу, Виктория Мотричко (Украина) – 8, Хейке Верхул (Нидерланды) – 7, Хуслен Энхболд (Монголия) – 6, Эрса Негбре (Кот-д, Ивуар) – 3, Аннелайн Якобс (Аруба) – 0.

Сарсын, бэс ыйын 18 күнүгэр икки туур оонньонор: сарсыарда 10:00 уонна күнүс 16:00 чаастартан. Сылыктаан көрдөххө, бу 10-c уонна 11-c туурдар быһаарыылаах буолуохтара.

Биһиги кыргыттарбыт: Ксения Нахова бастаан Ю Жангы (Кытай), онтон Аннелайн Якобсы (Аруба), Наталья Шестакова – Полина Петрусеваны (Беларусь), Эрса Негбрены (Кот-д, Ивуар), Матрена Ноговицына – Наталья Садовсканы (Польша) уонна Ольга Федоровиһы (Беларусь) кытта оонньуохтара.

 Петр ПАВЛОВ.

Добавить комментарий

Ваш e-mail не будет опубликован. Обязательные поля помечены *