Тоҕус Томтор оонньуулара: Кыайыылаах – Егор Филиппов

“Тоҕус Томтор оонньууларын кытары Дыгын оонньууларын тэҥҥэ тутан тэҥнии сатыыр табыллыбат, тоҕо диэтэр көрүҥнэрэ тус-туһунаннар. Чурапчылар тэрийиилэрин таһыма өрүү үрдүк, кытта кэлбит даҕаны ыспарсымыаннар бары сиппит-хоппут, эттэрэ буспут, тоҥууну-хатыыны ааспыт уолаттар. Онон бу оонньуулартан саҕалаан Дыгын оонньууларыгар аартык арылынна диэн толору этиэххэ сөп”, – диэн Дыгын оонньууларын 7 төгүллээх чөмпүйүөнэ Уйбаан Белолюбскай санаатын үллэстэр.

Степан Алексеев сырдык кэриэһигэр анаммыт VI төгүлүн ыытыллар Тоҕус Томтор оонньууларын иккис күнэ түмүктэннэ. Санатар эбит буоллахха, бу оонньууларга Любомир Николаев (2014, 2018), Иван Белолюбскай (2015), Рустам Ксенофонтов (2016), Дмитрий Попов (2017) чөмпүйүөн үрдүк аатын ылбыттара. Күрэхтэһии сүрүн судьуйатынан оҕо успуорка сайдыытын оскуолатын дириэктэрэ, Саха Өрөспүүбүлүкэтин успуордун маастара Яков Оконешников үлэлээтэ.

Тутум эргиир:

1 миэстэ – Айхал Бюлтясов (Үөһээ Бүлүү);

2 миэстэ – Егор Филиппов (Хаҥалас);

3 миэстэ – Павел Друзьянов (Чурапчы).

Кулун тардыы:

1 миэстэ – Любомир Николаев (Үөһээ Бүлүү);

2 миэстэ – Антон Тойтонов (нам);

3 миэстэ – Владимир Федоров (Ньурба).

9 туос ыстаҥа:

1 миэстэ – Егор Филиппов (Хаҥалас);

2 миэстэ – Дмитрий Попов (Уус Алдан);

3 миэстэ – Владимир Федоров (Ньурба).

Хапсаҕай:

1 миэстэ – Любомир Николаев (Үөһээ Бүлүү);

2 миэстэ – Егор Филиппов (Хаҥалас);

3 миэстэ – Дмитрий Попов (Уус Алдан).

Бэрэбинэ көтөҕүү (111 киилэ ыйааһыннаах):

1 миэстэ – Любомир Николаев (Үөһээ Бүлүү), 510 м 95 см;

2 миэстэ – Владимир Никитин (Амма);

3 миэстэ – Дмитрий Попов (Уус Алдан).

Уопсай түмүккэ 1-кы миэстэни 26 очкуолаах Хаҥалас хотойо – Егор Филиппов ылан, “Нива” массыына хаһаайынынан буолла. Иккис миэстэҕэ 29 очукуолаах Уус Алдан ааттааҕа Дмитрий Попов тахсан, Квадрацикл күлүүһүн тутта. Үһүс бочуоттаах миэстэҕэ Үөһээ Бүлүү буулаҕа күүстээҕэ, Тоҕус томтор оонньуулара саҕаланыахтарыттан бириистээх миэстэттэн маппатах Любомир Николаев тиксэн, “Регулмото” мотоциклы сүүрдэн барда.

Тэрийээччилэр бириистэри туруорбут Чурапчы нэһилиэгин дьаһалтатыгар, “Прогресс” ХЭТ-гэр, “Сахастройгрупп” ХЭТ-гэр, “Восток Капитал” ХЭТ-гэр, “Илин” тутуу хампаанньатын ХЭТ-гэр, “Алмазэргиэнбанк” тэрилтэлэригэр дириҥ махталларын тиэрдэллэр.

Эһиилги сылга өссө элбэх бөҕөс кэлэн кыттарыгар баҕарыллар.

Семен ЖЕНДРИНСКЭЙ, Чурапчы.

Ааптар хаартыскаҕа түһэриилэрэ.

Добавить комментарий

Ваш e-mail не будет опубликован. Обязательные поля помечены *