Сүрүн бириис хаһаайына – Афанасий Платонов!

Бэс ыйын 8 күнүгэр Күүстээх Дэһээккин төрөөбүт дойдутугар, Мэҥэ Хаҥалас Тумулугар мас тардыһыыга республика Абсолютнай чемпионата түмүктэннэ.

Спорт энтузиаһа, спортивнай комментатор, суруналыыс Ылдьаа Скрябин отучча сыл устата араас интэриэһинэй күрэхтэһиилэри тэрийэн кэллэ. Этэргэ дылы, кини тэрийэр күрэхтэһиилэрэ дьон-сэргэ, кыттааччылар даҕаны сэҥээриилэрин ылаллар. Бу да сырыыга, күрэхтэһии үрдүк тэрээһиннээхтик ыытыллан, үчүгэй сыананы ылла.

Күрэхтэһии сэттэ ыйааһыҥҥа ыытылынна. Онуоха түмүк маннык буолла:

58 кг: 1. Дмитрий Неустроев (Амма), 2. Артур Попов (Ороссолуода, Мэҥэ Хаҥалас), 3. Михаил Птицын (Доллу, Мэҥэ Хаҥалас).

62 кг: 1. Василий Муксунов (“Модун”, Үөһээ Бүлүү), 2. Сергей Семенов (Бороҕон, Уус Алдан), 3. Иннокентий Корякин (Күһүүр, Булуҥ).

66 кг: 1. Константин Жирков (Баайаҕа, Таатта), 2. Дмитрий Саввин (Кириэс Халдьаайы, Томпо), 3. Ариан Григорьев (Үөһээ Бүлүү).

70 кг: 1. Егор Свинобоев (Доллу, Мэҥэ Хаҥалас), 2. Иннокентий Попов (Уолба, Таатта), 3. Василий Захаров (Амма).

76 кг: 1. Афанасий Платонов (Амма), 2. Валерий Никаноров (Наахара, Мэҥэ Хаҥалас), 3. Егор Афанасьев (Кутана, Сунтаар).

82 кг: 1. Анатолий Гладков (Нам), 2. Марк Иванов (Мэлдьэхси, Мэҥэ Хаҥалас), 3. Петр Сергеев (Ороссолуода, Мэҥэ Хаҥалас).

90 кг: 1. Сулейман Рустамов (Өймөкөөн), 2. Дмитрий Макеев (“Модун”, Дьокуускай), 3. Василий Слепцов (Амма).

Сүрүн бирииһи Төҥүлү биир талааннаах ууһа, билигин Намҥа олорор, үлэлиир Леонид Говоров таптайан оҥорбут батыйаны күрэхтэһии кыайыылаахтара сэрэбиэй тардыыларыгар, Афанасий Платоновка тигистэ.

Бириистэри туруордулар: Тумул СХПК, Доллу нэһилиэгэ, спорт бэтэрээнэ Василий Филиппович Петров уола – Василий Петров, Валерий Кретович Исаков, Мэҥэ нэһилиэгэ, Балыктаахтан Иван Ноговицын, Төҥүлү оскуолата, спорт бэтэрээнэ, оҕолорго бастакы республикатааҕы таһымнаах күрэхтэһиини тэрийбит Руслан Васильевич Афанасьев, улуус старшай тренерэ Алексей Артемьевич Попов, улуус спорка управлениета, Араҥас нэһилиэгэ, спорт бэтэрээнэ Иван Копырин, ватсаапка түмпүт мас тардыһыы фанаттара, Төҥүлүтээҕи сельпо, Чурапчыттан спорт бэтэрээнэ Александр Сивцев.

 “Дьулурҕан”.

Добавить комментарий

Ваш e-mail не будет опубликован. Обязательные поля помечены *