“Дуоҕа Боотур оонньуулара” ыҥырар

Сомоҕолоһуу сылыгар анаммыт улуустар икки ардыларынааҕы “Дуоҕа Боотур оонньууларыгар” Кэбээйи улууһун Мукучу нэһилиэгэр ыалдьыт буол диэн ыҥырабыт!

Бэс ыйын 20-21 күннэригэр Кэбээйи, Бүлүү улуустарын бөҕөстөрө уонна Үөһээ Бүлүү Кырыкый нэһилиэгин хоһуун уолаттара өбүгэ оонньуутун аҕыс көрүҥэр күөн көрсүөхтэрэ. Күөн күрэс сүрүн соруга, уол оҕо уйулҕатын тургутуу, эр киһи туругун бөҕөргөтүү. Биир нэһилиэктэн 16 сааһыттан үөһээ 4 Боотур уол кыттар. Икки, эбэтэр үс кыра нэһилиэк (500-тэн кыра ахсааннаах олохтоох) кыттыһан түөрт Боотуру туруоруон сөп.

Тэрийээччилэр:

– Мукучу нэһилиэгин дьаһалтата;

– “Дуоҕа Боотур” көҥүл түмсүү.

Сүрүн судьуйа, норуоттар икки ардыларынааҕы категориялаах судьуйа – Алексей Мостахов,

Комментатор – Александр Васильев – Көрдүгэн.

Бастаабыт Боотурдар Бүлүү, Кэбээйи нэһилиэктэрин баһылыктарын бириистэрин 160 000 солкуобайы ылаллар.

Кыайбыт нэһилиэк Реворий Чөмчөөйөп охсубут батыйатын кэнэҕэски ыччат кыайыы өрөгөйүн көрөрүгэр бэлэх ылар. Уопсай бириис пуондата 300 000 солкуобай!

Күрэһи үбүлээччилэр:

“Охотник на Ярославского” булт маҕаһыына,

“Көмүөл” кинигэ кыһата,

Бүлүү улууһун спорка кэмитиэтэ (салайааччы Гаврил Евсеев);

Кэбээйи улууһун спорка дьаһалтата (салайааччы Алексей Сыроватскай).

Тэрийэр хамыыһыйа.

 

Добавить комментарий

Ваш e-mail не будет опубликован. Обязательные поля помечены *