Бөҕөстөрбүт – Бурятия көбүөрүгэр

Ыам ыйын 17-19 күннэригэр Улан-Удэ куоракка «BAIKAL OPEN» диэн, Бурятия Республикатын баһылыгын бирииһигэр эр дьоҥҥо уонна дьахталларга көҥүл тустууга норуоттар икки ардыларынааҕы XXIV турнир ыытыллар.

Быйылгы турнир уратытынан, эр дьону тэҥэ дьахталлар тустуулара тэҥҥэ ыытыллар буолар. Турнирга 200-чэкэ спортсмен 13 дойду аатыттан кыттара күүтүллэр. Ол курдук, Физкультурнай-спортивнай комплекс көбүөрүгэр – Доминиканскай Республика, Соҕуруу Корея, Венгрия, Казахстан, Таджикистан, Украина, Белоруссия, Турция, Кыргызстан, Азербайджан, Кытай, Монголия уонна Россия бөҕөстөрө күөн көрсүөхтэрэ.
Хас ыйааһын аайы кыайыылаахтар, иккис-үһүс миэстэлээхтэр уонна кыайыылаах тренерэ – мэтээллэринэн, дипломнарынан уонна сыаналаах бириистэринэн наҕараадаланыахтара. Ол курдук, бастаабыттар – 90, иккистээбиттэр – 60, үһүстээбиттэр – 40 тыһ. солк. харчынан бириэмийэлэниэхтэрэ.

Саха сирин хамаандата маннык састаабынан кыттыаҕа:

57 кг: Арыйаан Тютрин, Петр Константинов, Георгий Окороков, Федор Постников, Быйаман Яковлев.

61 кг: Дмитрий Аксенов, Семен Владимиров, Ньургун Александров.

65 кг: Эдуард Григорьев, Айсен Потапов, Петр Павлов, Дьулустаан Булатов, Дьулус Тотонов, Константин Капрынов.

70 кг: Тимур Николаев, Иван Ефремов, Иван Барашков, Петр Кириллин.

74 кг: Герман Устинов, Айсен Копырин.

92 кг: Ньургун Сергин.

Күрэхтэһии бырагыраамата:

Ыам ыйын 17 күнэ (бээтинсэ)
12.00-17.00 – барыллааһын хапсыһыылар;
17.30-20.00 – финалга тахсар иһин киирсиилэр: 57, 65, 74, 86, 97 кг.

Ыам ыйын 18 күнэ (субуота) 

12.00-17.00 – “уоскутар” бөлөх тустуулара: 57, 65, 74, 86, 97 кг;
12.00-17.00 – барыллааһын хапсыһыылар: 61, 70, 79, 92, 125 кг;
17.00-18.00 – финал аҥарынааҕы киирсиилэр: 61, 70, 79, 92, 125 кг;
18.30-19.30 – турниры үөрүүлээхтик аһыы.
18.30-21.00 – финаллар. Кыайыылаахтары наҕараадалааһын: 57, 65, 74, 86, 97 кг.

Ыам ыйын 19 мая (баскыһыанньа) 
12.00-16.00 – “уоскутар” бөлөх тустуулара: 61, 70, 79, 92, 125 кг;
16.30-19.00 – финаллар. Кыайыылаахтары наҕараадалааһын: 61, 70, 79, 92, 125 кг.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *