Сэрии бэтэрээннэрин бириистэригэр

Дьокуускай куорат Октябрьскай уокуругун салайааччыта Лилия Александровна Воробьева, кини солбуйааччыта Светлана Николаевна Павлова көҕүлээһиннэринэн Кыайыы 74 сылыгар аналлаах Аҕа дойду улуу сэриитин бэтэрээннэрин бирииһигэр 2008-2009, 2010-2011 сылларга төрөөбүт уолаттарга аһаҕас күрэхтэһии тэрилиннэ.

Тустуу В.П. Керемясов аатынан оҕо спортивнай оскуолатыгар барыта уон ыйааһыҥҥа ыытылынна. Түһүлгэ кылаабынай судьуйатынан тренер Петр Петрович Черкашин үлэлээтэ.

Кыайыылаахтар уонна иккис-үһүс миэстэлэри ылбыттар “Октябрьскай уокурук” управа дьаһалтата олохтообут сыаналаах бириистэринэн, мэтээллэринэн, грамоталарынан наҕараадаланнылар.

Маны тэҥэ, В.П. Керемясов аатынан Дьокуускай куорат спортивнай оскуолатын үлэһиттэрэ: спорт маастардара Николай Петрович Иванов, Василий Николаевич Алексеев, Петр Петрович Черкашин бэйэлэрин аҕаларын – Аҕа дойду улуу сэриитин кыттыылаахтара: Петр Степанович Иванов (Амма), Николай Прокопьевич Алексеев (Ньурба, Чуукаар), Василий Афанасьевич Аммосов (Уус Алдан, Курбуһах) ааттарынан бастыҥ бөҕөстөргө анал бириистэри олохтоотулар. Ол курдук, сэрии бэтэрээннэрин ааттарынан бириистэр хаһаайыттарынан буоллулар: Уйгун Охлопков, Захирон Батыков уонна Борис Яковлев.

“Дьулурҕан”.       

Добавить комментарий

Ваш e-mail не будет опубликован. Обязательные поля помечены *