“Якутия” хаһыат үгэскэ кубулуйбут эстафетата

“Сахамедиа” иһитиннэрэр-издательскай холдинг (генеральнай дириэктэр А.С. Чертков), Дьокуускай куорат үөрэххэ управлениета (начаалынньык А.К. Семенов), Дьокуускай куорат физическэй култуураҕа уонна спорка управлениета (начаалынньык К.С. Бурцев) көҕүлээһиннэринэн, “Якутия” хаһыат бирииһигэр чэпчэки атлетикаҕа үгэс быһыытынан ыытыллар 76-c эстафета Кыайыы күнүгэр буолла.

Сүүрүү күнүс 14:00 чаастан Ленин аатынан болуоссаттан саҕаланна. Балаһыанньа быһыытынан хамаандалар састааптара –14 түү киһиттэн турда, 8 эр киһи, 6 дьахтар. Ол курдук, бастакы-иккис бөлөхтөргө орто үөрэх кыһалара, үһүскэ – сүрүн үөрэх кыһалара, орто анал үөрэх кыһаларын устудьуоннарын уонна үлэһиттэрин хамаандата, бэһис бөлөххө – тэрилтэлэр уонна алтыска – үрдүк үөрэх кыһаларын устудьуоннара сүүрдүлэр. Эстафета дистанцията – 7 км 800 миэтэрэҕэ тэҥнэһэр.

Бэйэлэрин бөлөхтөрүгэр бириистээх миэстэлэри ылбыт хамаандалар кубоктарынан, мэтээллэринэн, өйдөбүнньүк бириистэринэн наҕараадаланнылар. Бастакы түһүмэх икки бастакы сүүрүүтүн кыайыылаахтара сыаналаах бириистэринэн бэлиэтэннилэр.

“Дьулурҕан”.  

Иван ЛЫТКИН хаартыскаҕа түһэриилэрэ.  

Добавить комментарий

Ваш e-mail не будет опубликован. Обязательные поля помечены *