Видео: Николай Тарскайга аналлаах миитиҥҥэ

Бүгүн, ыам ыйын 8 күнүгэр биллэр государственнай уонна общественнай деятель, Саха сиригэр физкултуурнай-спортивнай хамсааһын талааннаах тэрийээччитэ Николай Николаевич Тарскай төрөөбүтэ 95 сылыгар, киин куоракка кини аатын сүгэр “Туймаада” стадион иннигэр баар бюһун аттыгар үөрүүлээх миитин буолла.

Бу кэрэ-бэлиэ түгэҥҥэ өрөспүүбүлүкэ салалтата, спорт тэрилтэлэрэ, Н.Н. Тарскай биир дойдулаахтара – уус алданнар, спортивнай общественность көхтөөхтүк кытыннылар. Элбэх ахтыы, санаа атастаһыыта оҥоһулунна, биллиилээх салайааччыга анаан кэриэстэбил, ытыктабыл бэлиэтинэн өйдөбүнньүк бэлиэҕэ сибэкки дьөрбөтүн ууруу сиэрэ-туома тэрилиннэ.

Эһиги болҕомтоҕутугар, Уус Алдан улууһун баһылыгын бастакы солбуйааччы Петр Иванович Попов этиитэ.

Петр ПАВЛОВ.  

Добавить комментарий

Ваш e-mail не будет опубликован. Обязательные поля помечены *