Эдуард Явловскай уонна Арсений Атласов бастаатылар

Социалистическай үлэ дьоруойа, Агинскай-Бурятскай автономнай уокурук уонна Чита уобалаһын бочуоттаах гражданина Бальжинима Мажиевич Мажиев кэриэһигэр көҥүл тустууга Забайкальскай кыраай XXIII турнира быйыл Хара Шибирь сэлиэнньэтигэр буолан ааста.

Бу күрэхтэһиигэ биһиги биир дойдулаахтарбыт эмиэ кытыннылар. Ол курдук, Эдуард Явловскай (38 кг), Арсений Атласов (42 кг) бэйэлэрин ыйааһыннарыгар бастаатылар. Иннокентий Щелканов (65 кг), Юлиан Сильвестров (71 кг) уонна Анатолий Филиппов (110 кг) иккис буоллулар. Оттон Иван Майзик (38 кг), Петр Гуляев (48 кг), Михаил Птицын (55 кг) үһүс бириистээх миэстэҕэ таҕыстылар.

Бу туһунан dzulurgan.ru сайтка Мэҥэ Хаҥалас улууһун тренерэ, норуоттар икки ардыларынааҕы категориялаах судьуйа Аркадий Николаевич Тастыгин иһитиннэрдэ. Эдэр бөҕөстөр аны сарсын Кижингаҕа (Бурятия), Сэбиэскэй Сойуус дьоруойа, гвардия хапытаана Дарма Жанаевич Жанаев кэриэһигэр Бүтүн Россиятааҕы турнирга кытталлар. Кинилэргэ ситиһиилэри баҕарыаҕыҥ.

“Дьулурҕан”.  

 

Добавить комментарий

Ваш e-mail не будет опубликован. Обязательные поля помечены *