Алдан хайыһардьыттарын ситиһиилэрэ

 

Алданнааҕы, спортсменнары бэлэмниир киин хайыһарга суолугар өрөспүүбүлүкэ кубогын түмүктүүр түһүмэҕэ ыытылынна. Күрэхтэһии Саха сирин улуустарын уонна куораттарын икки ардыларыгар буолан, кэлии спортсменнар кыттыбаттар. Барыта 300-чэкэ хайыһардьыт, кыратыттан улаханыгар тиийэ илин-кэлин түһүстэ. Ол курдук, 2007-2009, 2005-2006, 2003-2004, 2001-2002 сылларга төрөөбүт кыргыттарга уонна уолаттарга кыайыылаахтар уонна иккис-үһүс миэстэлээхтэр быһаарылыннылар.   

Оттон эдэрдэргэ Анастасия Дубова (Алдан), Евгения Сергеева, Анастасия Олейникова  (иккиэн – Дьокуускай), Надежда Васильева (Мэҥэ Хаҥалас), Илларион Захаров (Дьокуускай), Антон Дегесов (Ленскэй), Николай Зыков, Роман Дерябов (иккиэн – Мэҥэ Хаҥалас), Никита Шестаков (Амма) кыайдылар.

Дьахталларга уонна эр дьоҥҥо кыайыыны ситистилэр: Александр Филиппов (Нерюнгри), Ярослав Котлярчук (ХИФУ), Дмитрий Егоров (Дьокуускай), Иван Пальцев (ХИФУ), Александр Клуген (Ленскэй), Ирина Егорова (Мэҥэ Хаҥалас), Айталина Борисова (Дьокуускай), Буновша Табарова (Ленскэй), Наталья Новгородова (Мэҥэ Хаҥалас).

Күрэхтэһии бүтэһик күнүгэр хамаанданан эстафеталар тыҥааһыннаахтык ыытылыннылар. Онуоха 2005-2006 сс. кыргыттар уонна уолаттар эстафеталарыгар – Алдан, 2001-2004 сыллаахтарга – Нерюнгри, 2001-2002 сс. бөлөхтөрүгэр – Алдан, 2003-2004 сыллаахтарга – Нерюнгри хамаандалара бастаатылар. Дьахталлар уонна обургу кыргыттар холбоһуктаах эстафеталарыгар Дьокуускай хамаандата инники таҕыста. Оттон эр дьоҥҥо уонна обургу уолаттарга эмиэ өрөспүүбүлүкэ киин куоратын хайыһардьыттара кыайдылар.

Дьэ онон хас да күннээх күрэхтэһии түмүгүнэн хаһыс даҕаны сылын хамаанданан кыайыыны Алдан куорат хайыһардьыттара ситистилэр. Иккис миэстэҕэ Нерюнгри хамаандата таҕыста. Үһүс бириистээх миэстэни Ленскэй хамаандата ылла.

Марина ВОЙДЕЛОВСКАЯ.

Добавить комментарий

Ваш e-mail не будет опубликован. Обязательные поля помечены *