Муҥутуур кыайыылаахтар – Тимофей Большаков уонна Юрий Михайлов

Бүлүү Бороҕонугар Манчаары спартакиадатын 1973 сыллааҕы муҥутуур кыайыылааҕа Степан Алексеевич Быкалыров кэриэһигэр мас-рестлиҥҥэ өрөспүүбүлүкэтээҕи турнир ыытылынна. Турнирга 15 улуустан 85 киһи кытынна. Күрэхтэһии түмүгүн туһунан dzulurgan.ru сайтка Бүлүү успуорка уонна физическэй култуураҕа тэрилтэтэ иһитиннэрэр.

Турнир кыайыылаахтарынан буоллулар, эр дьоҥҥо: 60 кг – Рудольф Жирков (Уус Алдан), 65 кг – Всеволод Протопопов (“Модун”), 70 кг – Тимофей Большаков (Сунтаар), 75 кг – Дмитрий Яковлев (Бүлүү), 80 кг – Павел Друзьянов (“Модун”), 90 кг – Никита Татаринов (ХИФУ), 105 кг – Семен Варламов (Мэҥэ Хаҥалас), 125 кг – Юрий Михайлов (Сунтаар). Оттон дьахталларга 50 кг – Евгения Каленкова (Горнай), 55 кг – Татьяна Дьячковская (Чурапчы), 60 кг – Норайаана Трофимова (Амма), 65 кг – Анна Окорокова (Амма), 75 кг – Елена Евсеева (Нам), 85 кг – Надежда Никулина (Таатта), 85-тэн үөһээ кг – Ольга Унарова (Бүлүү). Бэтэрээннэргэ 65 кг – Александр Румянцев (Уус Алдан), 75 кг – Гаврил Ботуев (Үөһээ Бүлүү), 85 кг – Василий Слепцов (Амма), 85-тэн үөһээ кг – Евгений Бережнов (Горнай).

Түһүлгэ муҥутуур кыайыылааҕын быһаарар хапсыһыылар 70-ҥа диэри уонна 70-тан үөһээ кг ыйааһыннарга ыытылыннылар. Онуоха 70 киилэҕэ диэри барыта тоҕус киһи кыттыбытыттан, кыайыылааҕынан Сунтаартан Тимофей Большаков тахсан, Быкалыровтар дьиэ кэргэн олохтообут убаһа сүрүн бириистэрин хаһаайынынан буолла. Бүтэһик быһаарыылаах киирсиигэ кини Бүлүүттэн Семен Семеновы хотто. Оттон 70-тан үөһээлэргэ уон мадьыны кииристэ, манна эмиэ Сунтаартан Юрий Михайлов бастаата уонна “Охотник на Ярославского” маҕаһыынтан 25 тыһыынча солкуобайдаах сэртипикээтинэн наҕараадаланна. Финалга кини Никита Татариновы (ХИФУ) кыайда.

Бу күрэхтэһии, Күүстээх Дэһээккин бирииһигэр Саха сирин хамаанданан уонна биирдиилээн бастыыр иһин чөмпүйэнээтин кэнниттэн тута ыытыллыбыта. Ити чөмпүйэнээккэ ситиһиилээхтик кыттыбыт мадьынылар кэлэннэр, түһүлгэ таһымын үрдэттилэр уонна сытыырхаттылар.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *