Дьокуускай спартакиадата: волейболга ханнык хамаандалар бастаатылар?

Дьокуускай уокуруктарын уонна куорат  таһынааҕы нэһилиэнньэлээх пууннар спартакиадаларын чэрчитинэн, бу күннэргэ волейболга уонна саахымакка күрэхтэһиилэр ыытылыннылар. Быйылгы күрэхтэһиилэр “Биһиги чөл, чэгиэн-чэбдик олоҕу талабыт” диэн девиһинэн бардылар. 

“Стерх” спортивнай комплекска буолбут волейболга күрэхтэһиигэ дьахталларга уонна эр дьоҥҥо аҕыстыы хамаанда оонньоото.

Түмүккэ дьахталларга Центральнай уокурук бастакы, Губинскай иккис, Промышленнай үһүс миэстэлэри ыллылар. Салгыы миэстэлэри Сайсарскай, Гагаринскай, Строительнай, Октябрьскай, Автодорожнай уокуруктар хамаандалара ыллылар.

Оттон эр дьоҥҥо Губинскай уокурук волейболистара кыайдылар. Октябрьскай уокурук хамаандата иккис, Строительнай үһүс бириистээх миэстэлэргэ таҕыстылар. Салгыы миэстэлэргэ Центральнай, Гагаринскай, Сайсарскай, Промышленннай уонна Автодорожнай уокуруктар хамаандалара тигистилэр.

Оттон Дьокуускай куорат таһынааҕы нэһилиэнньэлээх пууннар бөлөхтөрүгэр дьахталларга Хатас бастаата, Марха иккистээтэ, Маҕан үһүстээтэ. Салгыы миэстэлэри Тулагы, Пригороднай, Кангалас уонна Табаҕа хамаандалара ыллылар.

Бу бөлөххө эр дьоҥҥо Хатас кыайда. Марха иккис, Пригороднай үһүс буоллулар. Салгыы миэстэлэри Тулагы, Маҕан, Кангалас волейболга хамаандалара ыллылар.

Бөлөхтөргө кыайыылаахтарынан тахсыбыт уонна иккис-үһүс миэстэлэри ылбыт хамаандалары наҕараадалааһыҥҥа Дьокуускай куорат баһылыга Сардаана Владимировна Авксентьева кыттыыны ылла.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *