Константин Бурцев бирииһигэр буоксаҕа VIII турнир

Уус Алдан улууһун Чараҥ сэлиэнньэтигэр соторутааҕыта үлэҕэ киллэриллибит киэҥ-куоҥ спортивнай саалаҕа ССРС успуордун маастара, Саха Өрөспүүбүлүкэтин үтүөлээх тириэньэрэ, Уус Алдан бочуоттаах гражданина – Дьокуускайдааҕы физическэй култуура уонна успуорт управлениетын начаалынньыга Константин Семенович Бурцев бирииһигэр буоксаҕа үөрэнээччилэр ортолоругар өрөспүүбүлүкэтээҕи 8-с турнир түөрт күн ыытыллан түмүктэннэ.

Турнирга кыргыттар уонна уолаттар саастарынан араарыллан, алта бөлөххө күрэхтэстилэр. Барыта 15 хамаандаттан 174 эдэр боксуор – Бүлүүттэн, Мэҥэ Хаҥаластан, Хаҥаластан, Үөһээ Бүлүүттэн, Намтан Томпоттон, Ньурбаттан, Чурапчыттан, Горнайтан, Сунтаартан, Алдантан, Уус Алдантан уонна Дьокуускайтан кытыннылар.

Ол курдук, 15-16 саастаах кыргыттарга 46 киилэҕэ Ньурбаттан Люда Семенова, 62 киилэҕэ Уус Алдантан Сайаана Барашкова бастаатылар.

Оттон 17-18 саастаах кыргыттар 57 киилэҕэ киирсиилэригэр кыайыылааҕынан Уус Алдантан Саргы Аргунова буолла.

11-12 саастаах уолаттар бөлөхтөрүгэр ыйааһыннарыгар бастаатылар: 26 кг – Моисей Егоров (Бүлүү), 28 кг – Вася Яковлев (ДЮСШ-1), 30 кг – Ярослав Васильев (Мэҥэ Хаҥалас), 32 кг – Никита Попов (Хаҥалас), 36 кг – Аян Аммосов (Үөһээ Бүлүү), 38 кг – Уххан Монастырев (Мэҥэ Хаҥалас), 40 кг – Игнат Никифоров (Уус Алдан), 41,5 кг – Павел Лисичников (ДЮСШ-1), 46 кг – Максим Тарскай (Уус Алдан).

Оттон 13-14 саастаахтарга кыайыылаахтарынан буоллулар: 30 кг – Максим Припузов (Хаҥалас), 34 кг – Валера Неустроев (Мэҥэ Хаҥалас), 37 кг – Дамир Жирков (Дьокуускайдааҕы кадеттар оскуолалара), 38,5 кг – Бадма Базаров (Уус Алдан), 41,5 кг – Дуолан Калитин, 43 кг – Геннадий Соломонов, 46 кг – Стас Слепцов (үһүөн – Хаҥаластан), 50 кг – Рудольф Андросов (Үөһээ Бүлүү), 52 кг – Андрей Портнягин, 54 кг – Кирилл Гоголев (иккиэн – Уус Алдантан).

15-16 саастаах уолаттарга бастакы миэстэлэри ыллылар: 44 кг – Афанасий Никитин (Чурапчы), 46 кг – Эрик Китаев (Мэҥэ Хаҥалас), 50 кг – Виталий Яковлев, 54 кг – Артур Григорьев (иккиэн – Чурапчыттан),57 кг – Айаал Скрябин (Мэҥэ Хаҥалас).

17-18 саастаахтарга 49 кг – Никита Ушницкай (Уус Алдан), 52 кг – Гаврил Шишигин (Мэҥэ Хаҥалас), 56 кг – Александр Исаков, 60 кг – Владик Дьяконов, 75 кг – Борис Борисов (үһүөн – Уус Алдантан) пьедестал үрдүкү үктэлигэр таҕыстылар.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *