Сергей Николаев – Арассыыйа чөмпүйүөнэ!

Кулун тутар 14-17 күннэригэр Саранскайга, куһаҕаннык истэр эр дьон – көҥүл тустууга Арассыыйа үрдүнэн бастыыр иһин чөмпүйэнээттэрэ ыытыллан түмүктэннэ.

Бу күрэхтэһиигэ биһиги бөҕөстөрбүт эриэ-дэхси көрдөрүүнү ситистилэр. Хамаанда сүрүн тириэньэрэ, Арассыыйа үтүөлээх тириэньэрэ, көҥүл тустууга ССРС, хапсаҕайга СӨ спортарын маастара Василий Егорович Стручков биһиэхэ иһитиннэрбитинэн, бөҕөстөрбүт барыта түөрт мэтээллэннилэр.

Ол курдук, Сурдлимпиада чөмпүйүөнэ, спорт үтүөлээх маастара Сергей Николаев 57 киилэҕэ тэҥнээҕин булбакка, кыһыл көмүс мэтээлинэн наҕараадаланна. Кинини тэҥэ Валерий Чемпосов 65 кг ыйааһыҥҥа пьедестал иккис үктэлигэр таҕыста. Оттон Егор Скрябин (57 кг) уонна Василий Стрекаловскай (70 кг) боруонса мэтээллэринэн наҕараадаланнылар.

Бу ситиһиинэн тириэньэрдэри уонна бөҕөстөрү эҕэрдэлиибит! Кыайыыттан көтөллөнөн, өссө ыытыллар үөрэтэр-эрчийэр түмсүүлэргэ, түһүлгэлэргэ ситиһиилээхтик кытталларыгар, дойдуларын ааттата, олохсуйбут үтүө үгэһи  салгыы туралларыгар баҕарыаҕыҥ.

“Дьулурҕан”.

 

Добавить комментарий

Ваш e-mail не будет опубликован. Обязательные поля помечены *