Хайыһар проката үлэтин саҕалаата

Бастакы сааскы ый саҕаланна. Ол аата, томороон тымныыбыт халбарыйан, сааскы күннэр-дьыллар үүннүлэр. Кулун тутар ый – хайыһар ыйа. Республикабыт киин куоратыгар, чопчулаан эттэххэ, син эмиэ уруккутун курдук, Күөх хонууга хайыһар проката үлэтин саҕалаата.

Үлэлиир кэмэ – күнүскү аһылыкка тохтобула, өрөбүлэ суох. Хайыһар уларсар сиргит – Бекетов пааматынньык таһыгар, Күөх хонууга киириигэ.

Хайыһары уларсыы төлөбүрэ маннык:

1-тан 8-с кылааска диэри үөрэнээччилэр – 150 солк.

9-с -11-с кылаас оҕолоругар – 200 солк.

Улахан дьон – 250 солк.

Хайыһары уларсыы быраабылата: бэйэлэрин туоһулуур докумуоннарын, эбэтэр сотовай телефоннарын солуокка хааллараллар. Хайыһар, эбэтэр хаалык алдьаннаҕына – ыстыраап, – диэн, прокаты үлэлэтээччи Николай Федоров иһитиннэрэр.

Сааскы, чаҕылыччы тыгар күннээх, сылаас күннэр үүннүлэр. Бука бары сибиэһэй салгыҥҥа тахсан хайыһардыах, уһун тымныы кэнниттэн эти-сиин уһугуннарыах, чэбдигириэх.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *