Степан Контоев: “Хайыһар спорда – саамай бастыҥ көрүҥ”

Дьокуускай куорат оҕо спортивнай оскуолатын Хатастааҕы филиалын хайыһарга тренерэ, биллиилээх чемпион-спортсменнар Контоевтар аҕалара – Степан Степанович Контоев Алдантан dzulurgan.ru сайтка бэйэтин эҕэрдэтин ыытар уонна сааскы күннэр үүммүттэринэн хайыһардыырга ыҥырар, хайыһар туһатын сүбэлиир.

Үтүө күнүнэн! Сандал саас кэлэн иһэринэн итии-истиҥ Эҕэрдээ! Алдаҥҥа хайыһар сборугар кэлбиппит нэдиэлэ буолла, Хатастан кыралыын улаханныын14-пүт. Манна сааскылыы сылаас -8-9°. Хайыһар трассатын ретрак (комбайн курдук техника) оҥорор, онон идеальнай-олимпийскай трасса (чугаһатан фотону көрүҥ).

Мантан саас хайыһарга 10-н тахса күрэхтэһиигэ кыттабыт. Хайыһар спорда саамай бастыҥ көрүҥ, киһи доруобуйата бастакы дьарыктан тупсан барар. Ордук ыйааһыныҥ түргэнник түһэр, былчыҥнарыҥ сайдаллар. Дьиэҕэ, оскуолаҕа, театрга, автобуска ыйыстыбыт вирустары, микробтары ыраас сааскы эмтээх салгын тута өлөрөр, хайыһар дьарыгын (прогулка да буоллун) кэнниттэн самочувствиеҥ тупсар, санааҥ көтөҕүллэр , өйүҥ-санааҥ тобуллар. Билиҥҥи оҕолор хамсаныылара олох суох – телефон, планшет, ноутбук компьютер доруобуйаларын мөлтөтөр, хамсаныахтарын баҕарбат буолан бараллар. Онтон хайыһардаан, ыраас салгыҥҥа сылдьан бардахтарына доруобай, сүрэхтээх буолуохтара. Бука сааскы ыраас салгыҥҥа хайыһар суолугар тахсаргытыгар ыҥырабын!

“Дьулурҕан”.

Добавить комментарий

Ваш e-mail не будет опубликован. Обязательные поля помечены *