Сахаачча түһүлгэтэ ыҥырар!

СР Спорка уонна физическэй култуураҕа министиэристибэтин, СР спортивнай тустууга федерациятын уонна Р.М. Дмитриев аатынан Олимпийскай эрэл училищетын көҕүлээһиннэринэн уонна тэрийииилэринэн олунньу 15-16 күннэригэр Д.П. Коркин аатынан Тустуу саалатыгар 1999-2001 сс. төрөөбүт тустууктарга Николай Захаров-Сахаачча кэриэһигэр Саха Республикатын күрэхтэһиитэ ыытыллар.

Күрэхтэһии – номоххо киирбит бөҕөс, ССРС чемпионатын үрүҥ көмүс призера, спорт маастара Николай Захаров аатын үйэтитэр, көҥүл тустууну көҕүлүүр уонна буолаары турар Р.М. Дмитриев аатынан норуоттар икки ардыларынааҕы турнирга республика эдэрдэргэ хамаандатын сүүмэрдиир сыаллаах-соруктаах.

Күрэхтэһии бырагыраамата:

Олунньу 15 күнэ, бээтинсэ

14:00-16:00 Мандат хамыыһыйатын үлэтэ.

16:00-17:00 Судьуйалыыр коллегия хамаандалар бэрэстэбиитэллэрин кытта сүбэ мунньахтара.

Олунньу 16 күнэ, субуота

08:00-08:30 Кыттааччылар медицинскэй көрүүнү уонна ыйааһыннаныыны барыылара.

10:00-14:00 54, 57, 61, 65, 70, 74, 79, 86, 92, 97, 125 кг ыйааһыннарга барыллааһын хапсыһыылар.

14:00-15:00 Тохтобул.

15:00-16:00 Күрэхтэһиини үөрүүлээхтик аһыы.

16:00-18:00 Быһаарыылаах хапсыһыылар. Наҕараадалааһын.

Ыйааһыннарынан кыайыылаахтар уонна иккис-үһүс миэстэлээхтэр грамотанан, мэтээлинэн, өйдөбүнньүк бирииһинэн наҕараадаланыахтара.

Санатан эттэххэ, былырыын маннык күрэхтэһиигэ 102 эдэр бөҕөс күөн көрсүбүтэ. Ыйааһыннарынан кыайыылаахтарынан буолбуттара: 54 кг 1 – Айсен Никифоров (Бүлүү), 57 кг – Алексей Копылов (Мэҥэ Хаҥалас), 61 кг – Петр Константинов (Бүлүү), 65 кг – Айсен Потапов (Дьааҥы), 70 кг – Николай Иванов (Эдьигээн), 74 кг – Ньургустан Брощев (Бүлүү), 79 кг – Алексей Ефимов (Амма), 86 кг – Семен Аммосов (Чурапчы), 92 кг – Богдан Овчинников (Уус Алдан), 97 кг – Максим Толмачев (Аллайыаха), 125 кг – Никита Хабаров (Муома).

“Дьулурҕан”.  

Добавить комментарий

Ваш e-mail не будет опубликован. Обязательные поля помечены *