Көҥүл тустууга Аан дойду Кубогын сайта арылынна

Көҥүл тустууга Аан дойду Кубога саҕаланыа биир ый иннинэ, интернеккэ бу күрэхтэһии официальнай сайта үлэтин саҕалаата.

Ол курдук, www.yakutskworldcup2019.org сайтка туһааннаах иһитиннэриилэр, сонуннар киллэрилиннилэр уонна саҥардыллан иһэллэр. Манна эһиги – Кубок историятын, суруналыыстары аккредитациялааһын, Саха сирин туһунан, Кубокка кыттар хамаандалар, күрэхтэһии спортивнай уонна култуурунай бырагыраамаларын, билиэттэри атыылааһын о.д.а. тустарынан булан ааҕыаххытын сөп. Эппиппит курдук, ити иһитиннэриилэр күннэтэ саҥардыллан, саҥа сонуннарынан байытыллан, тупсарылан иһэллэр.

Санатан эттэххэ, көҥүл тустууга Аан дойду кубога Дьокуускайга кулун тутар 16-17 күннэригэр ыытыллар. Кубокка – Россия, АХШ, Грузия, Куба, Япония, Иран, Монголия, Турция хамаандалара кыттыыны ылыахтара. Күрэхтэһии бириискэ фондата 100 тыһыынча швейцарскай франкаҕа тэҥнэһэр (быһа холуйан 7 мөлүйүөн солкуобай).

Бу күннэргэ Кубок хаһыска буоларын, ханнык хамаандалар кытталларын туһунан үрүт үөһэ ыйыталаһааччы үксээтэ. Кинилэргэ туһаайан эттэххэ – сайты киирэн ааҕыҥ, көрүҥ уонна – аахпатахпыт, көрбөтөхпүт диэххитий. Улахан түһүлгэ иннинэ бэлэмнэнии хайдах баран иһэрин, тустуу бүтэһик сонуннарын тутатына билэ, көрө сылдьыҥ!

“Дьулурҕан”.

Добавить комментарий

Ваш e-mail не будет опубликован. Обязательные поля помечены *