“Көмүс мас” ыҥырар

Олунньу 1-3 күннэригэр “Модун” спортивнай комплекска мас тардыһыыга Дьокуускай куорат “Көмүс мас” аһаҕас чемпионата ыытыллар.

Күрэхтэһии бырагыраамата:

Олунньу 1 күнэ, бээтинсэ

14:00-17:00 Мандатнай хамыыһыйа үлэтэ, кыттааччылар ыйааһыннаныылара уонна сэрэбиэйдэрэ.

17:00-17:30 Судьуйалыыр кэллиэгэйэ хамаандалар бэрэстэбиитэллэрин кытта сүбэ мунньаҕа.

Олунньу 2 күнэ, субуота

10:00-10:30 Чемпионаты үөрүүлээхтик аһыы.

10:30-13:00 Барыллааһын күрэхтэһии.

13:00-14:00 Күнүскү аһылык.

15:00-18:00 Барыллааһын күрэхтэһии салгыыта.

Олунньу 3 күнэ, баскыһыанньа

10:00-13:00 Барыллааһын күрэхтэһии.

13:00-14:00 Күнүскү аһылык.

14:00-17:00 Быһаарыылаах киирсиилэр.

17:00-18:00 Кыайыылаахтары наҕараадалааһын, чемпионаты түмүктээһин.

Чемпионакка эр дьон уонна бэтэрээннэр кытталлар. Эр дьон – 60, 65, 70, 75, 80, 90, 105, 105-тэн үөһэ кг, оттон бэтэрээннэр – 65, 75, 85, 85-тэн үөһэ кг күрэхтэһэллэр. Кыттааччылар иккилии киилэ ордуктаах буолаллара көҥүллэнэр.

Кыайыылаахтар уонна иккис-үһүс миэстэлээхтэр туһааннаах мэтээллэринэн, грамоталарынан уонна анал бириистэринэн наҕараадаланыахтара. Чемпионат тэриллиитин туһунан Дьокуускай куорат физическэй култуураҕа уонна спорка управлениетыгар, 34-10-05 №-дээх төлөпүөҥҥэ эрийэн билсиэххитин сөп.

Дьокуускай куорат физическэй култуураҕа уонна спорка управлениета.

Добавить комментарий

Ваш e-mail не будет опубликован. Обязательные поля помечены *