Харатааҕы аһаҕас түһүлгэ кыайыылаахтара

Бу өрөбүл күннэргэ Мэҥэ Хаҥаласка, спорка үтүө үгэстээх И.Г. Игнатьев аатынан Харатааҕы спортивнай оскуоланы үөрэнэн бүтэрбиттэр бириистэригэр көҥүл тустууга 2002 сыллаах уолаттарга аһаҕас республикатааҕы түһүлгэ ыытыллан түмүктэннэ.

Икки күннээх сыралаах хапсыһыылар кэннилэриттэн норуоттар икки ардыларынааҕы категориялаах судьуйа Аркадий Тастыгин кылаабынай судьуйалаах, республикатааҕы категориялаах судьуйа Андриан Захаров кылаабынай сэкиритээрдээх судьуйалыыр коллегия быһаарыытынан, бэйэлэрин ыйааһыннарыгар кыайыылаахтарынан буоллулар:

20 кг – Дима Сивцев (Амма), 25 кг – Леня Ефимов (Нам), 28 кг – Артем Боронов (Хара), 30 кг – Никита Элясов (Чурапчы), 32 кг – Рамиль Егоров (Төҥүлү), 35 кг – Ваня Майзик (Хара), 38 кг – Женя Черемкин, 42 кг – Алеша Максимов (иккиэн – Уус Алдантан), 46 кг – Арсен Макаров (Чурапчы), 50 кг – Саша Окладников (Уус Алдан), 55 кг – Егор Явловскай, 60 кг – Коля Спиридонов (иккиэн – Чурапчылар), 65 кг – Кеша Шелканов (Төҥүлү), 70 кг – Ваня Шеметов (Майа).

Кыайыылаахтар уонна иккис-үһүс миэстэлэммиттэр грамоталарынан, мэтээллэринэн уонна анал бириистэринэн наҕараадаланнылар. Кинилэргэ наҕараадалары норуоттар икки ардыларынааҕы кылаастаах спорт маастардара: Ньургун Иванов (Амма), Алексей Варламов (Мэҥэ Хаҥалас), РФ үтүөлээх тренерэ Василий Стручков (Дьокуускай), уо.д.а. туттардылар.

Петр ПАВЛОВ.

Добавить комментарий

Ваш e-mail не будет опубликован. Обязательные поля помечены *