Евро-2020: Куонкурус кыттааччыларын састааба күүстээх!

«Дьулурҕаҥҥа» биллэриллибит футболга Европа чемпионатыгар аналлаах куонкуруска барыта 43 киһи бэйэтин сылыктааһынын ыытта. Кыттыбыт дьоҥҥо барыгытыгар барҕа махтал! Куонкурсу тэҥэ, олохсуйбут үгэһинэн, Евро-2020 курдук улахан таһымнаах күрэхтэһиини таһынан ааспакка, хаһыаппытыгар да, сайтка даҕаны элбэхтик сырдаттыбыт, өссө да сырдатыахпыт. Ону эһиги барытын көрө-истэ сылдьар буолуохтааххыт диэн эрэнэбит.

Куонкуруска ким хайдах эппиэттээбитэ барыта дьэҥкэтик көстө сылдьар. Туох да мөккүөр суох. Этэргэ дылы, хас биирдии киһи бэйэтин судьуйа курдук сананан, http://dzulurgan.ru сайты арыйан – атыттар сылыктааһыннарын ааҕа-суоттуу, тэҥнии сылдьыаххытын сөп.

Кимнээх кытыннылар диэтэххэ, бэйэлэрин билгэлээһиннэрин маннык бэрээдэгинэн, уочаратынан киллэрдилэр:

-Федор, Васильев Николай, Айал Васильевич, Максим, Болтоков Киэсэ, Евгений Дьячковскай, Николай, Гаврил Никифоров, Егор Клепандин, Александр Владимирович, Николай Жирков, Егор Капитонов, Николай Обулахов, Федора Захарова, Василий Обулахов, Петр Федоров, Иван Барашков, Николай, Платон Эверстов, Николай Петров, Константин, Леонид Александров, Александр Максимович, Семен Рожин, Прокопий Трофимов, Афанасий, Павел Ильин, Василий, Серафим Терентьев, Симак Т, Григорий Тихонов, Алексей Бурнашев, Аяна, Иван Кривогорницын, Тимур, Константин, Иван, Николай Цыпандин, Арсен Константинов, Татьяна Бурцева, Михаил, Георгий, Николай.

Састаап күүстээх диэххэ сөп. Аан дойду-2018 чемпионатыгар анаан ыытыллыбыт куонкурус кыайыылааҕа Федора Захарова уонна араас сылларга “Дьулурҕан” куонкурустарыгар ситиһиилээхтик кыттыбыт Иван Барашков, Прокопий Трофимов, Василий Обулахов уо.д.а. бааллар.

Аны кылгастык, куонкуруска киирбит эппиэттэр тустарынан. Дьон үксэ Франция хамаандата бастыа диэбит. Германия, Испания, Бельгия, Англия, Португалия да диэбиттэр аҕыйаҕа суохтар. Дьэ, көрүөхпүт, ханнык хамаанда бастыырын. Этэргэ дылы, утуйар уубутун умнан, аны биир ый футболунан олоробут, футболунан тыынабыт!

Оттон, «Ким «Евро-2020» бастыҥ футболиһынан ааттаныай?» диэн ыйытыыга саамай элбэхтэ (18) француз Киллиан Мбаппе ахтыллыбыт. Салгыы ааҕан көрдөххө, Нголо Канте (Франция), Криштиану Роналду (Португалия), Кевин де Брюйне (Бельгия), Харри Кейн (Англия) уо.д.а. ааттара элбэхтэ суруллубут. Уопсайынан ылан көрдөххө, эппиэттэр бэйэ-бэйэлэригэр сүрүннээн маарыннаһар курдуктар.

Куонкурус кыайыылааҕа – Александр Брызгалов салайааччылаах Бүтүн Россиятааҕы ГТО физкультурнай-спортивнай комплекс Саха сиринээҕи киинин сыаналаах бирииһинэн наҕараадаланыаҕа.

Чэ, ити курдук, өссө төгүл куонкуруска кыттыбыт, биһиги ыытар үлэбитигэр көх-нэм буолар дьоҥҥо махтанабыт! Чемпионат ортото өссө биирдэ, сайтпытыгар, хаартысканан куонкурсу тэрийэргэ былаанныыбыт. Онон «Дьулурҕан» хаһыаты уонна сайты өрүү кэтээн көрө, ааҕа сылдьаргытыгар баҕарабыт.

Петр ПАВЛОВ.     

 

Добавить комментарий

Ваш адрес email не будет опубликован. Обязательные поля помечены *

7 + 19 =