“Өбүгэлэр оонньуулара” бэстибээлтэн түгэннэр

Бүгүн, олунньу 27 күнүгэр Намҥа, “Өбүгэлэр оонньууларыгар” спорт төрүт көрүҥнэригэр 17-с республикатааҕы бэстибээл быһаарыылаах түһүмэҕэ саҕаланна. Бэстибээлгэ 9-10 кылаас кыргыттара уонна уолаттара кытталлар.

Бу республикатааҕы тэрээһини Саха Республикатын Үөрэххэ уонна наукаҕа министиэристибэтин иһинэн оҕолору уонна ыччаттары физическэй култуураҕа уонна спорка сайыннарыы киинэ (дириэктэр эбээһинэһин толорооччу Афанасий Андреев) уонна Намнааҕы оҕо спортивнай оскуолата тэрийэн ыыталлар.

Быйылгы бэстибээлгэ республика араас муннуктарыттан барыта 12 хамаанда кыттар.

Бырагыраама быһыытынан кыттааччылар Бэйэни блиһиннэрии, Сахалыы ыстаныылар, Хапсаҕай, Мас тардыһыы, Ыараханы сүгэн баран сүүрүү, Наарта нөҥүө ыстаныы, Остуол оонньуулара (хабылык, хаамыска) түһүмэхтэригэр күрэс былдьаһыахтара.

Эһиги болҕомтоҕутугар, “Өбүгэлэр оонньууларыгар” спорт төрүт көрүҥнэригэр 17-с республикатааҕы бэстибээл үөрүүлээх аһыллыытын түгэннэрэ.

Наталья КОЛЕСОВА хаартыскаҕа түһэриилэрэ.

Добавить комментарий

Ваш адрес email не будет опубликован. Обязательные поля помечены *