Үөрэнээччилэрбэр  барҕа махтал!

Билэргит курдук, Дьокуускай куорат 25 №-дээх орто оскуолатын арочнай спортивнай саалатын былырыын тустууга анаан биэрбиттэрэ. Бу саалаҕа быйыл сайыҥҥыттан элбэх өрөмүөн үлэлэрэ ыытылыннылар. Өрөмүөн – мин эрчийбит, дьарыктаабыт уолаттарым күүстэринэн ыытылынна. Манныгы этэн эрдэхтэрэ, “иитээччи – иитиллээччилэрин ситиһиилэринэн дьоллоох” диэн.  

Бу үлэлээбит сылларбар киэн туттабын – үөрэппит оҕолорум спорка, үлэҕэ ситиспит ситиһиилэринэн, наадалаах бириэмэбэр күүс-көмө буолалларынан. Ол курдук, Ил Түмэн депутата, “Строительнай” рынок генеральнай дириэктэрэ Иван Иванович Даниловынан, “Туймаада-Строй” тэрилтэ менеджер-снабженеһэ Андрей Иванович Даниловынан киэн туттабын. Бу саала өрөмүөнүгэр кинилэр тутуу матырыйаалынан (базальт, изоспан) көмөнү оҥордулар.

Махталбын тиэрдиэм этэ, бэйэм бастакы тренерим, үс тустуу маастара, республика үтүөлээх тренерэ Иннокентий Андреевич Халдеев уолугар, “Интехстрой” тэрилтэ генеральнай дириэктэригэр Андрей Иннокентьевич Халдеевка, профлистарынан уонна саморезтарынан көмөлөспүтүгэр.

Оскуолабыт дириэктэригэр Иван Юрьевич Захаровка, бу үлүгэрдээх пандемия кэмигэр сүүрэн-көтөн, смета оҥотторон уонна уоппуска ылан, бэйэтэ анаан көмөлөспүтүгэр. Ону тэҥэ оскуолабыт педколлективыгар: А.В. Корякиҥҥа, А.Г. Софроновка, А.В. Куприяновка, Н.В. Николаевка, А.М. Кириллиҥҥэ, Нь.С. Ивановка, Н.П. Саввиҥҥа – уруоктарын кэнниттэн кэлэн үлэлээн көмөлөспүттэригэр.

Барҕа махтал тыллары этиэм этэ, тустууга сылдар оҕолорбут төрөппүттэригэр: П.Н. Говоровка, Л.Н. Христофоровка, С.С. Чочановка, В.В. Моякуновка, Э.А. Егоровка, И.Г. Алексеевка.

В.П. Керемясов аатынан үс нүөмэрдээх Оҕо спортивнай оскуолатын тренердэрэ: Д.Д. Томскай, С.Е. Афанасьев, Р.М.Дмитриев аатынан Олимпийскай эрэл училищетыттан  Россия үтүөлээх тренерэ К.К. Колодезников, Дьокуускай куорат иккис нүөмэрдээх оскуолатын физруга В.И. Оконешников уонна ФКП образовательное учреждение ФСИН  России дириэктэрэ Н.Н. Ермолаев күүс-көмө, өйөбүл буоллулар.

Ити курдук, бу оскуолаҕа үлэлиир тренердэрбитигэр: С.С. Соркомовка уонна хапсаҕай тренерэ А.В. Яковлевка махталбыт муҥура суох.

Үтүө дьоннор көмөлөспүттэригэр, Таҥара да көрөр эбит, барыта этэнҥэ бүттэ. Күн-дьыл да туран биэрдэ. Бары бэйэлэрин үлэлиир тэриллэрин, күнүс аһыыр астарын илдьэ кэлэн, кимиэхэ туох баарынан көмөлөспүт бар дьоммор ис сүрэхтэн долгуйан туран махталбын тиэрдэбин!

Бу оскуола тренерэ Николай КРЫЛОВ, көҥүл тустууга ССРС спордун маастара.

Добавить комментарий

Ваш адрес email не будет опубликован. Обязательные поля помечены *