Ярыгин түһүлгэтин түмүк көрдөрүүтэ

Дьэ, өр кэтэспит күрэхтэһиибит — Иван Ярыгин аатынан көҥүл тустууга норуоттар икки ардыларынааҕы Гран-при турнир бүтэ охсон хаалла. Быйылгы түһүлгэҕэ син эмиэ былырыыҥҥы курдук, Дагестан тустууктара күннээтилэр. Кинилэр уон ыйааһынтан – сэттэтигэр бастаатылар. Ону тэҥэ – икки үрүҥ көмүс, түөрт боруонса, онон барыта холбоон уон үс мэтээллээхтэр. Чечня – икки, Хотугу Осетия – биир чемпионнаннылар.

Иван Ярыгин аатынан турнир быйыл хаһааҥҥытааҕар даҕаны аҕыйах кыттааччылаах буолла. Ол быһыытынан, 79, 92 уонна 125 кг ыйааһыннарга күрэхтэһии эргиир систиэмэтинэн ыытылынна, онон бу ыйааһыннарга икки оннугар – биирдии боруонса мэтээл оонньонно. Маннык түгэн – түһүлгэни киэргэппэтэ чахчы. Инникитин туох эмэ миэрэни ыллахтарына сатаныыһы. Аҕыйах сыллааҕыга диэри Красноярскайдааҕы Иван Ярыгин аатынан норуоттар икки ардыларынааҕы турниры “аан дойду аччыгый чемпионатынан” ааттыыр бэйэбит, билигин инньэ диэхпитин тылбыт тахсыбат. Эр дьон күөн көрсүүтүгэр уон ыйааһыҥҥа барыта холбоон 103 эрэ бөҕөс кыттыыны ылла.

57 кг (12 кыттааччы)
1. Муслим Садулаев (Россия)
2. Абасгаджи Магомедов (Россия)
3. Насанбуян Нармандах (Монголия), 3. Томас Гилман (АХШ)
5. Зу Ваньхао (Кытай), 5. Эрдэнэбат Бехбаяр (Монголия).

61 кг (13 кыттааччы)
1. Магомедрасул Идрисов (Россия)
2. Николай Охлопков (Румыния)
3. Рамазан Ферзалиев, 3. Эдуард Григорьев (иккиэн – Россия)
5. Гансух Отгонбаатар, 5. Чинзориг Цэрмаа (иккиэн – Монголия).

65 кг (12 кыттааччы)
1. Ахмед Чакаев (Россия)
2. Начын Куулар (Россия)
3. Гаджимурад Рашидов (Россия), 3. Батчулуун Батмагнай (Монголия)
5. Кристиан Солензаль Лопес (Куба), 5. Тумур-Очир Тулга (Монголия).

70 кг (12 кыттааччы)
1. Магомедрасул Газимагомедов (Россия)
2. Мандахнаран Ганзориг (Монголия)
3. Бямбадорж Энхбаяр (Монголия), 3. Разамбек Жамалов (Россия)
5. Асхат Слямханов (Казахстан), 5. Давид Баев (Россия).

74 кг (13 кыттааччы)
1. Заурбек Сидаков (Россия)
2. Якуп Гор (Турция)
3. Азамат Нуриков (Беларусь), 3. Магомед Курбаналиев (Россия)
5. Тимур Бижоев (Россия), 5. Франклин Марен Кастильо (Куба).

79 кг (6 кыттааччы)
1. Ахмед Гаджимагомедов (Россия)
2. Магомед Рамазанов (Россия)
3. Алекс Дерингер (АХШ)
4. Алан Засеев (Россия)

86 кг (13 кыттааччы)
1. Даурен Куруглиев (Россия)
2. Фатих Эрдин (Турция)
3. Уйтумэн Оргодол (Монголия), 3. Владислав Валиев (Россия)
5. Артуро Силот Торрес (Куба), 5. Шота Шираи (Япония).

92 кг (5 кыттааччы)
1. Магомед Курбанов (Россия)
2. Батырбек Цакулов (Россия)
3. Баасанцогт Элзисайхан (Монголия)
4. Алихан Жабраилов (Россия)
5. Сю Данан (Кытай).

97 кг (11 кыттааччы)
1. Шамиль Мусаев (Россия)
2. Александр Гуштын (Беларусь)
3. Баки Сахин (Турция), 3. Игорь Овсянников (Россия)
5. Нямхай Батдорж, 5. Батзул Улзисайхан (Монголия).

125 кг (6 кыттааччы)
1. Анзор Хизриев (Россия)
2. Таха Акгюль (Турция)
3. Зелимхан Хизриев (Россия)
4. Денг Живей (Кытай).

Ким төһө мэтээллэннэ?

Россия  — 22 мэтээл (10 – кыһыл көмүс, 4 – үрүҥ көмүс,  8 – борунса).

Монголия – 6 мэтээл (1 – үрүҥ көмүс, 5 – боруонса).

Турция – 4 мэтээл (3 – үрүҥ көмүс, 1 – боруонса).

АХШ – 2 мэтээл (2 – боруонса).

Белоруссия – 2 мэтээл (1 – үрүҥ көмүс, 1 – боруонса).

Румыния – 1 мэтээл (1 – үрүҥ көмүс).

“Дьулурҕан”.

Добавить комментарий

Ваш адрес email не будет опубликован. Обязательные поля помечены *