Ярыгин турнира: Саха сирин хамаандатын састааба уонна түһүлгэ бырагыраамата

Биһиги бэйэбит сайтпытыгар (http://dzulurgan.ru) эрдэ иһитиннэрбиппит курдук, ыам ыйын 26-31 күннэригэр Красноярскайга, икки төгүллээх олимпийскай чемпион Иван Ярыгин кэриэһигэр көҥүл тустууга үгэскэ кубулуйбут норуоттар икки ардыларынааҕы XXXII Гран-при турнир ыытыллар.

Бу улахан таһымнаах түһүлгэҕэ Саха сирин хамаандата маннык састаабынан кыттарга оҥостор:

57 кг: Белолюбскай Айаал, Игнатьев Дархан, Копылов Петр, Постников Федор, Федотов Дьулус, Тютрин Арыйаан (Беларусь).

61 кг: Аксенов Дмитрий, Александров Ньургун, Антонов Айхаан, Павлов Петр, Бекренев Андрей (Беларусь).

65 кг: Капрынов Константин, Потапов Айсен.

70 кг: Рассадин Виктор.

74 кг: Николаев Тимур.

92 кг: Сергин Ньургун.

97 кг: Толмачев Максим (Красноярскай).

Бу саас Иркутскайга буолан ааспыт эдэрдэргэ Россия күрэхтэһиитин боруонса призера Дархан Игнатьев, турнир саҕаланыан эрэ иннинэ ити түһүлгэҕэ иккис миэстэни ылбыт дагестанец Саид Хункеровы кытта хапсыһыа. Манна хайалара кыайбыта, от ыйыгар Германияҕа буолуохтаах Европа эдэрдэргэ күрэхтэһиитигэр Россия хамаандатын чиэһин көмүскүө. Санатан эттэххэ, Игнатьевтаах Хункеров итиннэ Рамазан Багавудиновка (Дагестан) хотторбуттара.

Красноярскайдааҕы турнир – көҥүл тустууга дьахталларга уонна эр дьоҥҥо ыытыллар. Тэрийээччилэр эппиттэринэн, бу сырыыга – АХШ, Египет, Тунис, Монголия, Турция, Кыргызстан, Молдова, Узбекистан, Индия, Россия уонна Красноярскай кыраай хамаандаларыттан быһа холуйан 350-чэ спортсмен кыттара күүтүллэр.

Турнир бырагыраамата (Саха сирин бириэмэтэ)

Ыам ыйын 26 күнэ, сэрэдэ

20.00-21.00  Бары ыйааһыннарга сэрэбиэй тардыыта: 57, 61, 65, 70, 74, 79, 86, 92, 97, 125 кг.

Ыам ыйын 27 күнэ, чэппиэр

10.30-11.00 Медицинскэй көрүү уонна ыйааһыннаныы: 57, 61, 70 кг.

13.00-18.00 Барыллааһын хапсыһыылар: 57, 61, 70 кг.

19.00-21.00 Финалга тахсар иһин тустуулар: 57, 61, 70 кг.

Ыам ыйын 28 күнэ, бээтинсэ.

10.15-10.30 Ыйааһыннаныы: 57,61,70 кг

10.30-11.00 Медицинскэй көрүү уонна ыйааһыннаныы: 65, 79, 125 кг.

13.00-19.00 “Уоскутар” бөлөх тустуулара: 57, 61, 70 кг. Барыллааһын уонна финалга тахсар иһин хапсыһыылар: 65, 79, 125 кг.

19.30-20.15 Турниры үөрүүлээхтик аһыы сиэрэ-туома.

20.15-22.15 Финаллар: 57, 61, 70 кг.

22.15-22.45 Кыайыылаахтары наҕараадалааһын.

Ыам ыйын 29 күнэ, субуота

10.15-10.30 Ыйааһыннаныы: 65, 79, 125 кг.

10.30-11.00 Медицинскэй көрүү уонна ыйааһыннаныы: 74, 86, 92, 97 кг.

13.00-20.00 “Уоскутар” бөлөх тустуулара: 65, 79, 125 кг. Барыллааһын уонна финалга тахсар иһин хапсыһыылар: 74, 86, 92, 97 кг.

20.00-22.00 Финаллар: 65, 79, 125 кг.

22.00-22.30 Кыайыылаахтары наҕараадалааһын.

Ыам ыйын 30 күнэ, баскыһыанньа

10.45-11.00 Ыйааһыннаныы: 74, 86, 92, 97 кг.

13.00-15.00 “Уоскутар” бөлөх тустуулара: 74, 86, 92, 97 кг.

15.00-18.00 Финаллар: 74, 86, 92, 97 кг.

18:00-18:30 Кыайыылаахтары наҕараадалааһын.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *