Эдэр бөҕөстөрбүтүгэр ситиһиилээх кыттыыны баҕарабыт!

Бүгүҥҥүттэн Хотугу Осетия-Алания киин куоратыгар Владикавказка 18-гар диэри саастаах уолаттар көҥүл тустууга Россияҕа бастыыр иһин күрэхтэһиилэрэ саҕаланар.

Бу күрэхтэһии түмүгүнэн Европа уонна аан дойду түһүлгэлэригэр Россия хамаандатын көмүскүүр састаап талыллыа.

Маннык улахан эппиэттээх күрэхтэһиигэ Саха сирин хамаандатын (сүрүн тренер Владислав Петров) 23 эдэр бөҕөс көмүскүө. Итини тэҥэ Хотугу Осетия-Алания хамаандатыттан Алеша Антипин (51 кг) уонна Московскай уобаластан Коля Щеглов (48 кг) кыттыахтара.

Бүгүн, биһиги бириэмэбитинэн 16:00 чаастан бары ыйааһыннарга кыттааччылар сэрэбиэйдэрэ оҥоһуллуоҕа.

Уолаттарбытыгар ситиһиилээх кыттыыны баҕарабыт уонна сэмээр үчүгэй сонуну кэтэһэбит!

Саха сирин хамаандатын састааба:

45 кг: Герман Гурьев, Юрий Винокуров, Кэскил Семенов, Дьулус Петров.

48 кг: Андрей Мидловец, Артур Дьячковскай.

51 кг: Арсен Кононов, Степан Охлопков, Руслан Меркурьев, Николай Захаров, Алексей Осогосток, Лев Павлов.

55 кг: Николай Охлопков, Дамир Явловскай, Эдуард Попов, Артем Слепцов.

60 кг: Игорь Матвеев, Аслан Трофимов, Кирилл Дорожкин.

65 кг: Иннокентий Бабаранов, Кирилл Мордовской.

71 кг: Роман Николаев.

110 кг: Михаил Нестеров.

Күрэхтэһии бырагыраамата (Саха сирин бириэмэтинэн)

Кулун тутар 27 күнэ, бээтинсэ

17:00-01:00 Барыллааһын хапсыһыылар уонна финаллар (48, 51, 92 кг)

Кулун тутар 28 күнэ, субуота

17:00-01:00 Барыллааһын хапсыһыылар уонна финаллар (55, 66, 80 кг)

Кулун тутар 29 күнэ, баскыһыанньа

17:00-22:00 Барыллааһын хапсыһыылар уонна финаллар (65, 71 кг).

«Дьулурҕан».

Добавить комментарий

Ваш адрес email не будет опубликован. Обязательные поля помечены *