Ыһыах-2020: Остуол оонньууларыгар мэҥэлэр кыайдылар

Остуол национальнай оонньууларыгар республикатааҕы федерацията (бэрэссэдээтэл Ольга Григорьева) уонна Дьокуускай куорат дьаһалтатын култуураҕа, духуобунай сайдыыга управлениета (начаалынньык эбээһинэһин толорооччу Индира Ли) – Улуу Кыайыы 75 сылыгар анаммыт “Туймаада ыһыаҕa-2020” бырагырааматын чэрчитинэн, “Хабылык, хаамыска – өбүгэм оонньуута” диэн онлайн-күрэхтэһиини тэрийэн ыыттылар.

Ол туһунан СР остуол национальнай оонньууларыгар федерацията Инстаграмҥа бэйэтин страницатыгар маннык сырдатар.

Күрэхтэһиигэ Дьокуускай куораттан уонна республика 14 улууһуттан барыта 113 спортсмен кытынна. Түмүккэ кыайыылааҕынан Мэҥэ Хаҥалас улууһун хамаандата буолла. Иккис миэстэҕэ Нам хамаандата таҕыста. Үһүс бириистээх миэстэҕэ Дьокуускай куорат хамаандата тигистэ. Бөлөхтөргө кыайыылаахтары тэҥэ, күрэхтэһии бастыҥ спортсменнарыгар анал бириистэр оонньоммуттарыгар, “Бастыҥ техникатын иһин” бирииһинэн Ян Захаров (Мэҥэ Хаҥалас), “Спорка бэриниитин иһин” бирииһинэн  Егор Петров (Нам) уонна “Кыайыыга дьулуурун иһин” Георгий Софронов (Өймөкөөн) наҕараадаланнылар.

Бары кыайыылаахтар уонна призердар туһааннаах федерация уонна Манчаары аатынан спорт национальнай көрүҥнэрин киинин – кубоктарынан, мэтээллэринэн уонна дипломнарынан наҕараадаланнылар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *