Чемпионат, Сергей Леонтьев кыайыытынан түмүктэннэ

“Стерх” спортивнай комплекска Дьокуускай куорат остуол тенниһигэр чемпионата түмүктэннэ. Күрэхтэһиини Дьокуускай куорат физическэй култуураҕа уонна спорка управлениета, Дьокуускай куорат остуол тенниһигэр федерацията иилээн-саҕалаан, тэрийэн ыыттылар. Кылаабынай судьуйанан М.В. Спиридонов үлэлээтэ.

Дьахталларга Вероника Степанова түөрт утарсааччытын кыайан, түмүккэ 8 очукуолаах бастакы миэстэни ылла. Анжелика Михайлова киниэхэ эрэ 2:3 ахсаанынан хотторон, атыттары кыайталаан, иккис миэстэҕэ таҕыста. Үһүс бириистээх миэстэни Евдокия Дружина ылла.

Оттон пааранан оонньооһуҥҥа Соломонова-Васильева тэҥнээхтэрин булбатылар.

Эр дьоҥҥо барыта 14 теннисист күрэс былдьаста. Оонньуулар бэрт сытыытык бардылар. Түмүккэ кыайыылааҕынан Сергей Леонтьев таҕыста. Кини бүтэһик быһаарыылаах оонньууга Владислав Тимофеевы 3:0 ахсаанынан хотто. Манна үһүс миэстэни А.Подрясов ылла.

Оттон пааранан оонньууга Тимофеев-Леонтьев бастаатылар.

Булкаастаах оонньууга Леонтьев-Михайлова паарата кыайда.

Онон бу чемпионат – бэйэтин рейтининэн Саха сиригэр эр дьоҥҥо уон бастыҥнар ахсааннарыгар киирсэр күүстээх теннисист, спорт маастарыгар кандидат Сергей Леонтьев чемпионатынан буолла. Ол курдук, кини биирдиилээн, пааранан уонна булкаастаах оонньууларга наар кыайыылааҕынан ааттанна.

Кыайыылаахтар уонна иккис-үһүс миэстэлээхтэр өйдөбүнньүк мэтээллэринэн, грамоталарынан наҕараадаланнылар.

Ити курдук, Дьокуускай куорат чемпионаттара тиһигин быспакка ыытылла тураллар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *